قال الإعلامي عمرو أديب، مساء الأحد، إن هناك 32 قضية تحكيم دولي مقامة ضد مصر، قدرهم ماليًا يتجاوز 150 مليار دولار، متابعًا: «بصرف النظر إننا كنا مع الربيع العربي والثورات، ولكن النتائج تشير إننا بعد 4 سنين وصل اقتصادنا للحال ده، العيب فينا ولا العيب في المؤامرة الدولية ولا العيب في الثورة.. زي ما إنتوا عايزين قولوا، إنما الحالة وصلت لهذه الدرجة من السوء». وأضاف أديب، خلال برنامج «القاهرة اليوم»، عبر قناة «اليوم»، «واترزعنا النهاردة مليار ونص، دول ثمن 10 قنوات سويس، عملنا في نفسنا عمايل، والثمن في النهاية كان إيه.. مش عارف، وأنا مش بحمل حد أي شيء، ولكن أنا عايز الناس تتأمل، من احتياطي نقدي 36 مليار إلى 14 الآن، من ولا قضية تحكيم إلى 32 قضية ب150 مليار، من معدل نمو 7 % إلى 2 أو 3 وبنتحزم وبنرقص». وتابع: «مبارك مكنش هايل وإحنا وحشين، ولكن ده وضعنا النهاردة، ومع ذلك عايشين، وبننمو، وبنبني، وبنأكل وبنشرب وبنعمل كل حاجة، بلد غريبة جدًا، بلد ماشية بالتوكل وبستر ربنا، لو مصر دي شركة وإديتني أرقامها والله ما ألمسها، والراجل وزير المالية ده الله يكون عونه، ورئيس الوزراء والله صعبان عليّا». ويذكر أن هيئة التحكيم الدولي أصدرت قرارًا اليوم، يلزم شركات غاز مصرية بدفع 1.76 مليار دولار كتعويض لشركة كهرباء إسرائيل، على وقف إمدادات الغاز.