طالب الإعلامي عمرو أديب الجهات الرقابية بزيادة متابعتها للمسؤولين والإهتمام بالخدمات، مستنكرًا حالات الإهمال التي تسببت في الحرائق مؤخرًا، مشيدًا بمحافظ الغربية وقراره بتوفير عقار فيروس C لأهالي المحلة. وقال أديب في حلقة أمس من برنامجه "القاهرة اليوم"، المذاع عبر فضائية "اليوم": "إزّاي بلد كل يوم فيها حريقة، ومش كله إرهاب يعني، من يومين كان سنترال رمسيس"، وتابع:"مش بقول الناس تقوم الصبح يلقوا مصر سويسرا، بس لازم يحسّوا إنها بتبتدي تندع علشان يبقى في أمل، لازم الناس تبتدي تلقى تغيير، بس ما يبقاش كل يوم حريقة". واستطرد: "كل يوم بتتحرق مصانع أنا مستعد أعد في الأسبوع اللي فات 30 حريقة، انت فين وسايبني أولّع"، عارضًا خبر حريق داخل مزرعة نخيل في الوادي الجديد: "ده برضو إرهاب، ده نخل وبلح راحوا يولعوا في البلح؟، في خبر النهاردة المحافظ بتاع الغربية قرر إنه يوفر لأهالي المحلة فيروس C، هو ده الشغل اللي أنا عايزه، أنا عايز كل محافظ في محافظته ريّس". واختتم أديب: "لازم يكون هناك اهتمام واضح بالخدمات، الناس لازم تحس إن في مصر خدمة إنسانية، مش خدمة عبقرية".