هاجمت الإعلامية ريهام سعيد أحد الإعلاميين، التي قالت أنه قام بإرسال رجلين لوالد الطفل التائه، ليعطوه مبلغ مالي مقابل ان يظهر في برنامجه، ويقول أن الطفل كان مستأجر، واصفة إياه بأنه "أصله واطي". وأضافت ريهام في حلقة أمس الثلاثاء، من برنامج "صبايا الخير"، المذاع عبر فضائية "النهار": "المنتج أحمد مهران قال لي هقول لك حاجة بس ما تزعليش، قال لي إن في زميل إعلامي بعت ناس لوالد الطفل التائه، وعرض عليهم 10 آلاف جنيه، عشان يطلعوا معاه ويقولوا ان ريهام سعيد كدابة وإن الولد كان متأجر، ولما رفضوا عرض عليهم 20 ألف جنيه". وتابعت ريهام: "أنا استغربت البني آدم ده، وأنا لولا أني بحترم مالك القناة اللي أنت بتشتغل فيها، أنا كنت طلعتلك أدلة كانت هتصعقك، بس أنا أحسن منك، وأنت بقالك 6 أو 7 شهور بتحاول توقف شغلي". وعرضت ريهام تقرير لوالد الطفل، يروي فيه تفاصيل ما حدث، وعلقت: "سجلتلكم المكالمة، وطلعتوا قناة كبيرة، بس أنت صغير، وأنا أحسن منك، عشان أنا محترمة ومتربية، وناجحة بجد، وده بقى الحرب بين الإعلاميين، بس اللي يفرق مين اللي كان ما بيلبسش ولبس، واللي كان ما بياكلش وأكل". واختتمت ريهام: "الحمد لله أنا من يومي بنت ناس، لكن هنعمل إيه الأصل واطي، بس انا هفضل معلمة عليك".