** لا تقل عن غزة.. تنزف. بل قل: تتبرع بالدم لكرامة العرب. ** نفسي تفهم إن الفرق بين السهوكة والرقة.. هو نفس الفرق بين كفر الشيخ وشرم الشيخ. ** مش النهاردة إجازة وكلكم نايمين وكده. طيب أنا صاحية وورايا مواعين في المطبخ أو كده. ولسه كمان مشاوير.. بحقد عليكم. ** د.إيهاب مسلم: إراقة دماء غزة هي حماية لبشار. واختبار لمرسي. ومجاملة لخيانة عباس. وإجهاض لحماس. ** أسامة غريب: باستثناء مصر وتونس والسودان.. كل الحكام العرب سعداء بالعدوان الإسرائيلي الغادر علي غزة. ** بابا زعلان مني ومش بيكلمني عشان بصحي من النوم الساعة 3 العصر.. حد يصحيني 2 ونص طيب عشان ميزعلش مني. ** د.هبة رءوف عزت: قدر مصر أن تكون أماً.. ليس مطلوباً منها أن تتبني الإقليم وتترك أولويات أبناءها. ولا أن تنكفئ علي عيالها وتترك دورها العربي الإقليمي. ** مش رايح الدرس.. النوم أحلي. ** حرقت شريحة التوست. ومش هسخن غيرها. هكلها كده.. عقاباً لعدم تركيزي. ** لو هتعدي علي شارع جامعة الدول العربية بعد المغرب. لأي سبب من الأسباب أو بأي وسيلة من وسائل المواصلات.. نصيحة من أخ.. خش الحمام وكل كويس وخد معاك غيارين. ** دراسة تقول إن الاستحمام يومياً من أسباب السعادة والرضا عن النفس.. أنا عرفت دلوقتي بس ليه أغلب الناس عندهم اكتئاب. ** فيه بنات من كتر الماكياج.. لو تحك ملعقة في وشهم هتطلع معاك بولة آيس كريم. ** عزيزي اللاب توب.. أنت لو ابني مش هشيلك علي رجلي كده. ** اللهم لقني: لا إله إلا الله عند السكرات. ولا تجعل حسناتي حسرات ولا تفضحني بسيئاتي يوم لقاك. وأجعل قلبي دائم الذكر لك.. لا ينساك. ** شعار الأطباء الآن.. أعمل نفسك مترو. ** أخوها يقولها: متلبسيش ده ومتكلميش ده.. تقولك: ده متخلف ومش بيفهم. وصاحبها يقولها كده. تقولك: أصله بيخاف عليا! ** من مساوئ التربية عندنا في مصر أن هزار الشباب مع بعضهم بالأم والأب. يعبر عن التقارب والصداقة.. ودي خيبة تقيلة. ** بحس بالقرف لما يبقي ناس تحت القصف وأقولهم: "قلوبنا معاكم" ..... أبوالعجز بجد. ** أنا لما بركب ميكروباص.. باختار آخر كرسي عشان لما آجي أنزل.. كل اللي قدامي ينزلوا.. بفلوسي يا جدع.. واطي.. واطي.. يعني! ** النظام الغذائي المتوازن هو أن يبقي معاك شوكولاته في كل إيد. ** النهاردة اليوم العالمي للتسامح.. بوسوا بعض!