· ياعيني عليكي يا مصر واللي بيحصل فيكي وفي ولادك الغلابة اندهشت للزفة الاعلامية الكدابة اللي بتطالب بتقديم وردة لكل لاعب ومشجع جزائري عند دخولهم ووصولهم إلي مصر.. وعايز اقول للاخوة الإعلاميين المصريين اللي قالوا موضوع الوردة ده اشمعنا لما منتخب مصر وجماهير مصر لما بتسافر للجزائر يستقبلونا بالطوب والحجارة والزجاجات وإحنا هنا في مصر الإخوة بتوع (مبادرة الوردة) يقولوا نقدملهم وردة (يمكن قصدهم المطربة وردة الجزائرية والله اعلم). ياعيني عليكي يا مصر واللي بيحصل فيكي وفي ولادك الغلابة اللي الحكومة الظالمة عمالة تموت فيهم بكل الطرق الغير مشروعة والمشروعة وباين كده أن الحكومة زهقت وعمالة تموت في الشعب المصري الغلبان ومش لاقي حاجة أقولها أنا والشعب غير ربنا ينتقم منكم يا اللي ظالمين الشعب وسارقين مال الشعب وربنا يولع فيكم ويحرقكم يا مسئولين عن موت وتعذيب الشعب المصري الغلبان اللي الحكومة جربت فيه جميع طرق الموت وسبحان الله في كل دول العالم الحكومة في خدمة الشعب وفي مصر (الحكومة بتموت الشعب).