صحيت من النوم على كلمة خصخصة قلت . . . و دى كويسه ؟ قالوا متسألش وبطل فلحصة وبنار الأسعار غمولى عيني لحد ما " سان باولو الإيطالية أشترت بنك اسكندريه يالهوى! يالهوتى ! يا تلات لهويه كما نور للاستثمار الكويتية بتشترى اللي باقي ليه. ده غير اللي أتهرب للدول الأجنبية ياعينى : إيه باقي تانى ليه عندي كلمه عاوز أقولها بس عيني من الفقر متغميه يا مصري لف الدنيا بطولها وعرضها واحكي اللي بيحصل على أرضها واللي باعوها من غير ما ياخدوا رأيها آآآه و آآآهين عالى سرق وعاللى اتسرق وكمان دم المواطن اللي أتحرق بيدفع مقدم لكيلو اللحمة والباقي على أقساط شهريه وزيادة ضمان بيسجل في الشهر العقاري بصورة فوريه عنده اقتراح الحكومة تعملها تايم شير يعنى لكل اسره شويه سجل يا تاريخي واشهد يا زماني رغيف العيش علشان أشوفه لازم أعاني من الآآآخر مصر المحروسة واقعه في حوسه و أنا عماله ألف و ألف لحد ما البير ما جف و خير اللهم أجعله خير صحيت من النوم شاعره بأسى وخدني العجب وسألت أنا مت ولا دى فلسفه ؟!!