خرجت النجمة ياسمين صبري عن صمتها وردت للمرة الأولى على ظهورها مع الفنان رامز جلال في برنامج المقالب الذي يقدمه في شهر رمضان هذا العام، حيث أوضحت العديد من الأمور الخاصة بالحلقة، واجتزاء بعض إجاباتها عن الأسئلة التي وجهتها لها الإعلامية أروى خاصة المتعلقة بزوجها رجل الأعمال أحمد أبو هشيمة. وقالت ياسمين: "حلقة رامز شفتها مثل الجمهور وفى حاجة اندهشت منها جدا ومش لاقيه ليها أي تفسير، فانا لما اتسألت بتحبي في أحمد، جدعتنه ولا وسامته، فالحقيقة إنى جاوبت وقلت بحب فيه كل حاجة يعنى ناجح وواثق من نفسه وطموح وشخصيته قوية حتى قلت انه من وجهة نظرى هو سيد الرجالة، وإن احنا بنتمرن مع بعض كتير في الجيم وفى حاجات كتير بينا مشتركة وان هو بيضحكنى. وأضافت ياسمين صبري: "تفاجأت في الحلقة وانا بتفرج أن رامز والبرنامج قرر ياخد الجزء الأخير بس من إجابتي فانا استغربت جدا أنا مفهمتش إيه الفكرة، ان اجابتنى تتقص وتتاخد دى بس وقلت وبيضحكنى، حتى والواو اتشالت، وضايقتنى وانا مكنتش أتوقع كدا من رامز أبدا لأنى بتفرج على البرنامج بتاعه من سنين من قبل ما أكون ممثلة حتى".
View this post on Instagram
جزء من حواري مع اليوم السابع. A post shared by Yasmine Sabri (@yasmine_sabri) on May 18, 2020 at 11:45am PDT ويعرض للنجمة ياسمين صبرى في رمضان هذا العام مسلسل "فرصة تانية"، معالجة دراما محمد سيد بشير وتأليف مصطفى جمال هاشم وإخراج مرقس عادل وإنتاج شركة سينرجى، وبطولة ياسمين صبرى، أحمد مجدي، أيتن عامر، هبة مجدي، دياب، إدوارد، محمود البزاوى، هبة عبد الغنى، سارة الشامى، محمد أبو داود، أحمد الشامي، نهال عنبر، عمرالشناوى، محمد جمعة وتميم عبده.
