ف عز الناس انا وحدي بدور ع الونس فيا بوزع فرحة مش عندي برسم ضحكة مش ليا ف عز الناس انا حيران غريب يا طباع الانسان نبع فلوس مبيرويش و من غير حب يعيش بهتان بقلب اصفر يتفتفت مع اول حضن حنية وبال فاضي يتشتت لو صادف يوم ملاغية هتلون عمره بالاخضر وتزوق طعمه بالسكر !...بيفكر بيقدم خطوة ويأخر ف عز الناس انا ساعتي بتحسب عمري بالسنتي بتخصم ولا بتجَمٌَع مش فاضي احاسبها ولا حتى هاراقبها خلاص قررت راح اسيبها واسيب الوقت يتلفها صناديق الماضي هقفلها هصاحب روحي على قلبي هاخد ف الحياه رحلة صعبة او كانت سهلة قلمي وكراستي هنا جمبي ف حالة عشق ويا الناس ف عز الناس