قال الرئيس عبدالفتاح السيسي، إن الجيش المصري بقوته ومكانته وقدرته وكفاءته يهدف إلى أمر واحد وهو حماية مصر وأمنها القومي دون تجاوز. جاء ذلك خلال تفقده إجراءات تفتيش حرب الفرقة الرابعة المدرعة التابعة للجيش الثالث الميداني بمدينة السويس، اليوم الأربعاء. وتحدث الرئيس عن أوضاع المنطقة قائلا: "مهم أوي وإنت بتمتلك القوة والقدرة إنك تستخدمها بتعقل ورشد وحكمة وميبقاش فيه طغيان ولا يكون عندك أوهام بقوتك.. كلامي ده لنا كلنا علشان أوقات بسمع كلام يقول طالما عندنا يعني.. لأ.. إحنا عندنا علشان ندافع عن نفسنا ونحمي بلدنا وعلشان نتعامل مع الظروف بعقل ورشد وأيضا بصبر». وأضاف: «بلاش الغضب والحماسة يخلي حد يفكر بشكل يخليه يتجاوز فيه ويقول في وقت من الأوقات مكنش لابد إننا نتجاوز كده". وتابع: "هوضّح أكتر.. انتبه إن أوهام القوة تدفعك إنك تاخد قرار وتعمل إجراء تقول بعد كده أنا مكنتش دارس كويس وكنت مدفوع بغضب وحماسة زيادة عن اللزوم". وصرح الرئيس: "كلامي ده للقوات المسلحة وللشعب المصري.. إحنا بنتعامل مع كل الأزمات بصبر وعقل علشان نحقق ما أمكن تحقيقه من غير ما يكون فيه تجاوز للقوة أو القدرات». والفرقة الرابعة المدرعة يُطلق عليها بأنها صمام الأمان للجيش الثالث الميداني، وهي درة تاج العسكرية المصرية. وتأسست هذه الفرقة عام 1956، وشاركت في العديد من الحروب مثل 1956 و1967 و1973 وحرب تحرير الكويت، وكانت في مقدمة الصفوف هناك. ويذكر من بطولات هذه الفرقة تاريخيا، تأمين عبور القوات المسلحة في حرب السادس من أكتوبر، وكان من بين أبرز مهامها القتال في ثغرة الدفرسوار وصد محاولة دخول العدو الإسرائيلي للسويس والإسماعيلية.