كان يوم مشرق عظيم مولد رسول كريم رسائل رايحة جاية من ناس عُزاز عليَ مش من نفس الديانة بس قلوبهم معانا مليانة بحب مصر وسط الفرح سمعنا صوت انفجار فجعنا أرواح بريئة منا غابت بسمتها عنا غضب شديد جمعنا عمل أثيم طعننا الطعنة في قلب مصر فيه إخوة مؤمنين صايمين مسالمين كانوا في دور عبادة موعدهم للشهادة بأيادي الآثمين ولا ليهم أي دين كارهين لشعب مصر هتفجروا الكنائس هنصلي في كل جامع تفجروا الجوامع نصلي في الشوارع لو تهدموا المنازل و تعملوا المهازل هنصلي في أرض مصر لو تقتلوا الزهور و تصير الأرض بور يظهر في الأرض نور في سينا جبل الطور تجلى فيها ربنا كلم نبيه موسى هنا دي المعجزة في مصر مهما شيوخكم تقول و تسمموا العقول نخرج نصرخ نقول نتشفع بالبتول العذرا بطُهرها جاءتنا بابنها تتحامى بأهل مصر جانا المسيح هدية برسالته الإنسانية بيواجه اليهود حذرهم من الحدود و بحرمة الدماء شرَف مصر بدعاء مبارك شعبي مصر وختام المرسلين الصادق الأمين رسالته نور و رحمة قرآن يمس روحنا أهل البيت و الحسين في بلدنا مدفونين يباركوا أرض مصر عايزين تهدوا مين ؟ يا كفرة ظالمين دي حضارة السنين باركها المرسلين أولادها مفطومين ع الوحدة صامدين هيكونوا جند مصر لا ديننا هو دينكم ولا فينا حد منكم ولا شئ يحوشنا عنكم بكرة هنقلع جذوركم ولو تعبنا منكم جبالنا هتحاربكم إياك تمسوا مصر خلاص خلص الكلام هنعيش هنا في سلام الرد هيبقى قاسي ع اللي بيقتل في ناسي واللي يكره وطننا مالوش مكان مابيننا مطرود من كل مصر يا بلادنا إستريحي المسلم و المسيحي هيزرعوا المحبة والخير في ربوع بلادنا و نعمرها بإيدينا كنيسة جنب ماذنه ونعيش في حضن مصر و نموت من أجل مصر