يا اللى ساكن دار جديده فى السما و أراضيك بعيده و اللي عالم بيها واحد إبقى زورني في المنام انت عارف ان بيتنا يوم ما رحت يا باباعجز الحيطان بتبان حزينه الكراسى و الستاير و البيبان زي ما تكون حاسه بينا كل صورك ،كل لبسك حتى قلمك و لا ساعتك زعلانين من بعد غيبتك بس تعرف :- كان فى بالي اكتب قصيده و اقراهالك و انت بينا و احكي فيها عن حياتنا ، ذكرياتنا أب عاش بيخاف علينا و لما حس الموت بينده كل خوفه كان فراقنا الحياة بعدك كئيبه زى مركب مات صاحبها و سابها تايهه في الطريق دا أنا باتمنى أكون في كابوس أو تعبانه و فاقده الوعى و يشكونى ب 100 دبوس بس افوق ، و اصحى ألاقيك لسه بتضحك وسط النور لسه بتحلم تحضر فرحى و تشوف أصغر واحد شبهك بقى دكتور أنا حبيت النوم من بعدك عندى شعور دايما ملازمنى انك هتزورنى فى احلامى أصل غيابك خد من عمرى نص حقيقته و سابني بدور جوه منامي على أحداث النص التانى سهام سامى