..أدعى على شخص نافق واللا على الجانى .واللا حرامى سرقنى من توبى عرّانى .واللاعميل من داخلنا والتانى برانى .واللا أمين للسياسة ضيعنى ورمانى .وغيره مرر عيشتنا ع الذل ربّانى .وهوه فى قصر عايش فى العز ونسانى .......... .أدعى على مين واللا مين والكل حراميه .واللا على راس كبير زرع الهوان فيه .كل كلامه هجايص ووعود هلاميه .وحزب فاشل عقيم مليان حراميه .زرعوا الفساد فى البلاد وسمموا الميه .وكتّاب لزوم المناصب فيهم النفاق غيّه .كسروا جناح كل بلبل شَدى بأغنيه .أو أى شاعر جميل طالب بحريه .أدعى على مين واللا مين وراسى محنيه .يارب سوّد عيشيتهم ونوّر لياليه .والكل ياخد عقابه فى سجون محليه .ولا يفلتوا زى واحد نط من الخيّه