هنعرف أمتى الحكومة السرية الجديدة، ساويرس يتساءل عن موعد إعلان التشكيل الوزاري    تشكيل الحكومة الجديدة.. تدخل برلماني لتحديد معايير اختيار الوزراء والمحافظين الجدد    «التضامن» تقرر توفيق أوضاع 3 جمعيات ب 3 محافظات    إلغاء الأدبي والعلمي.. تفاصيل نظام الثانوية الجديد وموعد تطبيقه    اليوم.. "إسكان الشيوخ" تعقد 7 اجتماعات بشأن مشروعات طرق    مدبولي: خطة زمنية تتم متابعتها أسبوعيا لأعمال الإخلاء والتعويضات بجزيرة الوراق    وزيرة البيئة: إطلاق مركز التميز الأفريقي للمرونة والتكيف بالقاهرة خلال 2024    الإسكان: خزان استراتيجي لتحسين ضغط المياه شرق مدينة الشروق    تعرف على توصيات «الشيوخ» بشأن الذكاء الأصطناعي وفرص العمل    عرض حلول تحديد الهوية بمؤتمر الأمن السيبراني .. تفاصيل    رحلات بيئية لوادي الجمال وجبل علبة للتوعية بأهمية المحميات الطبيعية    الشركة القابضة المصرية الكويتية تعلن عودة الغاز إلى مصانع الأسمدة التابعة    عاشور: الانتهاء من تصميم سيارة كهربائية بالكامل.. وبدء عمليات التصنيع الفعلي    مفتي الجمهورية: الكيان الإسرائيلي يرتكب إبادة جماعية مكتملة الأركان على مرأى ومسمع من العالم    مجلس التعاون الخليجي: الهجوم الإسرائيلي على مخيم النصيرات جريمة نكراء استهدفت الأبرياء العزل في غزة    أوقفوا الدعم العسكرى لإسرائيل.. آلاف المتظاهرين فى محيط البيت الأبيض يدعمون فلسطين بحمل لافتات تصف بايدن بالكذاب    عضو ب«النواب»: قصف الاحتلال الإسرائيلي مخيم النصيرات انتهاك صارخ لكل القوانين    حزب الله يستهدف موقع الرمثا الإسرائيلي في تلال كفر شوبا اللبنانية المحتلة    «البحرية البريطانية» تعلن وقوع حادث على بعد 70 ميلا جنوب غربي عدن اليمنية    مقررة أممية: إسرائيل استغلت قضية الأسرى لإضفاء شرعية على قتل الفلسطينيين    الذكاء الاصطناعي يفجر مفاجأة حول الفائز بلقب يورو 2024    عدلي القيعي يكشف شعبية الأهلي في مصر ب إحصائية رقمية    مواجهات أفريقية قوية.. مواعيد مباريات اليوم الأحد    دي لا فوينتي: أستخدم بيدري بشكل مختلف عن برشلونة    استخراج جثة شاب من «هويس أبو علي» بسمنود بعد يومين من غرقه بالغربية    تبدأ خلال ساعات.. انخفاض الحرارة على هذه المحافظات الأيام المقبلة    لمدة أسبوعين.. موعد بدء تلقي تظلمات الشهادة الإعدادية في مطروح    1824 طالبا يؤدون امتحانات الثانوية العامة ب10 لجان في الوادي الجديد    نيابة بورسعيد تُصدر قرارًا هامًا بشأن «سفاح التجمع»    «الداخلية»: ضبط 552 مخالفة عدم ارتداء الخوذة وسحب 1334 رخصة خلال 24 ساعة    محافظ شمال سيناء يودع حجاج قرعة الجمعيات الأهلية    بقيمة 20 مليون جنيه..ضبط أسلحة نارية ومخدرات بحوزة بؤرة إجرامية بالبحيرة    أول بلاغ للنائب العام ضد عمرو دياب بعد صفع معجب بالقلم    فيلم اللعب مع العيال، القصة والأبطال وموعد طرحه في السينمات بموسم عيد الأضحى    حنان ترك تتصدر التريند بسبب ابنتها.. ما القصة؟    الموت يفجع الفنان محمد نجاتي    «مع بدء طرح أفلام العيد».. 4 أفلام مهددة بالسحب من السينمات    عالم أزهري يوضح فضل الأيام العشر الأوائل من ذي الحجة وكيفية اغتنامها    3 طرق صحيحة لأداء مناسك الحج.. اعرف الفرق بين الإفراد والقِران والتمتع    «الإفتاء» توضح أعمال يوم النحر للحاج وغير الحاج.. «حتى تكتمل الشعائر»    أستاذ صحة عامة: التعرض لأشعة الشمس هذه الأيام خطر    الصحة توقع خطاب نوايا مع استيلاس فارما لرفع الوعي بالكشف المبكر عن الأورام السرطانية    "معلومات الوزراء":مشروع الجينوم المصري في مرحلة المهد وسيحدث طفرة بكافة المجالات    تأثير ارتفاع درجة حرارة الجو على الإنسان.. تؤدي إلى مضاعفات خطيرة    هذه الأبراج يُوصف رجالها بأنهم الأكثر نكدية: ابتعدي عنهم قدر الإمكان    نجم الزمالك السابق يرد.. هل أخطأ حسام حسن بمشاركة الشناوي؟    اليوم.. جمعية الفيلم تقيم تأبينًا ل صلاح السعدني وعصام الشماع ونادر عدلي    من تعليق المعاهدات إلى حرب «البالونات» الأزمة الكورية تتخذ منعطفًا خطيرًا    أمير هشام: كولر يعطل صفقة يوسف أيمن رغم اتفاقه مع الأهلي ويتمسك بضم العسقلاني    ياسر إدريس: لا ينقصنا لاستضافة الأولمبياد سوى إدارة الملف    ماذا قالت سيدة التوقعات مع عمرو أديب عن العوضي وياسمين عبد العزيز وأمل ماهر وشيرين؟ (فيديو)    النديم: 314 انتهاك في مايو بين تعذيب وإهمال طبي واخفاء قسري    ما أهم الأدعية عند الكعبة للحاج؟ عالم أزهري يجيب    طارق قنديل يتحدث عن.. سر نجاح الأهلي ..البطولة الأغلى له.. وأسعد صفقة بالنسبة له    وكيل صحة الإسماعيلية تتفقد انتظام سير العمل بعيادة الجلدية ووحدة طوسون الصحية    ما هي أيام التشريق 2024.. وهل يجوز صيامها؟    عقوبة تصل ل مليون جنيه.. احذر من إتلاف منشآت نقل وتوزيع الكهرباء    انتصار ومحمد محمود يرقصان بحفل قومي حقوق الإنسان    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



كباب المقام
نشر في شباب مصر يوم 24 - 11 - 2013


مسرحية من فصل واحد كتبتها عام 96
اتمنا ان تنال اعجابكم
كباب المقام
1
المكان منطقة مهجورة توحى بمقابر وبقايا عصر قديم فى وسط المسرح نخلة وساقية على بئر جاف منذ وقت بعيد يرقد جاد الحق تحت النخلة توحى الاضاءة بمنتصف النهار والشمس حارقة يتقلب جاد الحق يمينا ويسارا ويتثائب ثم ينهض مفزوعا على سماع صوت طائرة حربية تخترق حاجز الصوت
جاد الحق أعوذ بالله من الشيطان الرجيم هل الساعة اتت ام هى الشياطين تحرقها الشهب ينظر الى السماء والمكان ما هذا واين انا واين القبائل اين البعير والماعز هل سرقت
يتحرك سريعاً يمنى المسرح ويساره وهو ينادى يابنى هلال ياعكرمة اين انت يابنى امية لحظة صمت
ثم يتوسط المسرح وينظر الى المتفرجين ويخاطب نفسة بصوت هامس هل اتت الساعة وانا نائم واين انا فى الجنة ام فى النار يسمع صوت موتوسيكل يقترب منه يستغيث جاد بربه وهو راقع على ركبتية سامحنى يارب العالمين سامحنى با ارحم الراحمين ياعظيم يا جبار
يدخل من يسار المسرح حسن دوكو عامل ميكانيكا على موتوسيكل لاختبارة
حسن ينظر الى جاد باستغراب انت مين يا اخينا انت اية اللى جابك هنا دى حتة مقطوعة
كباب المقام من المشهد الأول 2
جاد الحق يرتعد ويقرأ المعوذتين
يدور حسن حول جاد الحق بالموتوسيكل وينظر له نظرات حيرة وجاد مازال يستعيذ ويرتعد ويتابع حركة ال موتوسيكل
جاد الحق بالله عليك ابعد عنى هذا الحيوان الذي تعتلية
حسن ياراجل متخافش عمرك ماشفت موتوسيكل قبل كدة
جاد الحق هل هذا من الجن وهل انت من اهل سليمان عليه السلام
حسن جن سليمان اية هو ده انت عايز مين ياجدع انت
جاد الحق اريد قبيلتى
حسن فى سخرية بعد ان يهمس الى نفسة وهو يقول هو اية ده ده مجنون ولا بيمثل واين قبيلتك يا رجل ما اسمك
جاد الحق انا جاد الحق بن هلال بن امية بن الوليد بن مناف بن عبدالنعيم بن رامى من قبيلة رشا من حسن مقاطعا بس بس
ده كتير قوى كفاية كدة
جاد الحق الا تعرفنى يا رجل
حسن يضحك باستغراق ويضرب كف على كف
انت باين عليك راجل طيب لا يوجد هنا قبائل ولا ناس مفيش حد هنا من زمن طويل
جاد الحق اتريد ان تقول لى انى نائم منذ زمن بعيد
حسن والله انت حاجة تجنن صحيح
جاد الحق لماذا لا تتحدث مثلى يارجل
حسن ولماذا لا تتكلم انت لغة اهل البلد بقالك كام سنة نايم وعايزينى اتكلم زيك
كباب المقام المشهد الأول 3 جاد الحق انى اتحدث بلغة قومى ولا يصدر عن قومى الا الحق
حسن ده باين علية يوم مش فايت سلام عليكم يابا
جاد الحق ياخى مهلا اتتركنى وحد وتذهب
حسن ما انت عامل ابوالعريف يابنى رشا انا قلت اعمل ثواب واوصلك فى طريقى بدل ما يطلع عليك جن ولا عفريت يركبك
حسن يتجه الى ال موتوسيكل ويستعد للرحيل يتبعة جاد الحق وهو يرتعد قافزا على ال موتوسيكل خلف حسن ويبسمل ويقول
جاد الحق هذا الحيوان ابن بغل ام ابن حصان ام ابن ناقة وكيف يطيعك يضحك حسن ويدبر الموتوسيكل بخفة ورشاقة ثم يضع شريط كاسيت للمطرب سمير كمونة
الاغنية ياليلى يا عيني ياليل منخيرى شمت ريحت فرح قامت ودانى مطقطقة وكانت العروسة مزفلطة راحت الكراسى متنطقة
جاد الحق من اين ياتى هذا الصوت
حسن يشير الى الكاسيت من التسجيل
جادالحق من هذا القمقم يصرخ اغثنا يامغيث امازال سيدنا سليمان يحبس الجن
حسن ياراجل دى اغنية حتى اسمع
الاغنية انا ذبى اية انضرب ليه
ماهى كل الناس بتغى
والناس بتسمع ليه ليه ليه انا كل ما امشى اغانى هابطة ومش عجبانى ليه ليه ليه
طب انا هاغنى للمحارة
فى كل شارع وكل حارة
حد قبلى غنى للمحارة لا لا لا لا
وكمان هاغنى للنجارة
وانا بدخن سيجارة
الرف ده معوج كدة
والباب ده ما هوش هنا
انا كل طريقى مليان مسامير وكلى حيرة واسمى سمير
جاد الحق صارخا اخرص هذا القمقم انا لا اتمالك وسطى يارجل الاغنية
وفى كل حيطة القى فساير يارب ليه بختى مايل وكمان هاغنى للسباكة وانا كل حياتى مواسير وكوع حبيبى وجع قلبى وقالى اجرى ومجارى وسابنى لوحدى ومجالى جالى جالى
كباب المقام المشهد الثانى 4 مع نهاية الاغنية اظلام تدريجى ويختفى الموتوسيكل على يمين المسرح
المشهد الثانى
المكان على مقهى شعبى فى حى شعبى بجوارها مطعم كباب وامامها محل اقمشة وملابس حسن يجلس على المقهى ويأمر جاد بالجلوس
حسن اقعد ياسى جاد نشرب شاى وناخد تعميرة
جاد شاى تعميرة ما هذه الاسماء الاعجمية
حسن اسكت وبطل فزلكة
من داخل المقهى نسمع صوت ام كلثوم اغنية انت عمرى
جاد الحق من هذه الجارية التى تنشد والله ان صوتها له سحر عجيب
ياتى فى نفس الوقت العامل فى المقهى سفروت وهو ينادى من بعيد بصوت جهور ايوة جاى اتفضلوا يا بشوات
جاد بشوات والله لو كان معى سيف لجزيت رقبة هذا الرجل
حسن فى سخرية ولماذا ياجاد
جاد الم تسمع انة يقول لنا تفضلوا يا خرفان
سفروت قشطة يا حاج لامواخذة انا قلت حاجة تزعلك الله انت لابس كدة ليه
حسن شوف شغلك يا سفرون هات شاى وشيشة انا ناقصك انت راخر ثم يلتفت الى جاد ماتفهم بقى يا جاد هو ما يقصدش كده باشا دى زى ما تقول يعنى كدة والى او امير فهمت
جاد ماذا تعنى
جسن اعنى انك تشوف وتسمع كل الناس وبعدين تفكر وتتعلم
جاد والله عندك حق
كباب المقام 5
من المشهد الثانى
امام المقهى يمر عابر سبيل يطلب الحسنة وهو يقترب من ناحية جاد
جاد يخرج كيسا قديما به بعض العملات القديمة ويعطى منها قطعة للرجل الشحات ينظر فى القطعة
اية ده دى فلوس اهل الكهف ياراجل روح ده انت محتاج حسنة ويرميها فى وجهة
جاد لماذا يرفض الرجل الحسنة طلب حسنة اعطيتة خردلة
حسن يضحك ويقول والله العظيم ده انت ولا افلام عادل امام ده انت تحفة من داخل مطعم الكباب تفوح رائحة الشواء تخترق انف جاد فيقوم مسرعا عيناء زائغتان وفمة مفتوح باحثا عن مصدر الرائحة
جادالحق حقا انها لرائحة شواء عجيبة
حسن يتبعة مناديا يا جاد يا جاد انت رايح فين
يقف جاد امام مطعم الكباب وداخل المطعم يجلس الشيخ محمد النبراوى امامة مائدة مليئة بالمشويات والمحمرات الخ بدون شعور يقتحم جاد المطعم ويمد يده الى مائدة الشيخ
الشيخ محمد النبراوى يمسك بيد جاد ويامر صاحب المطعم اعطى هذا الرجل حسنة
جاد لا اريد حسنة اريد ان اكل فقط
النبراوى اتريد ان تاكل هنا هووو معك نقود
جاد وما هى النقود
حسن من الخلف صوت حسن هامسا دراهم يا جاد
جاد معى دراهم
النبراوى يبتسم ساضرب لكم مثلا رجل معه دراهم والاخر يملك الدولار صاحب الدراهم لابس نظارة سوداء وقال ان عنية جميلة هل لنا أن نصدق اما صاحب الدولار لابس حذاء اصفر دخل فيه مسمار ترى من ادخل هذا المسمار اصوات من الخلف الله الله الله يا مولانا
النبراوى عظيم اذا من صاحب الدولار اصوات المسمار عظيم ومن صاحب المسمار اصوات الدولار
النبراوى اذا هل احد منكم يستطيع ان يقول لى كم عدد الاحذية التى تمتلكها صمت ساقول لكم عدد الأحذية مائة حذاء أتعرفون لماذا لان هناك مائتين رباط جزمة يربط بهم الإنسان من أذنيه يوم القيامة اذا نظرا الى طعام غيرة والى طعام اخر ان شاء الله
باب المقام 6 من المشهد الثانى
الى طعام اخر ان شاء الله
الاصوات الله الله يا مولانا الله يفتح عليك
جاد يتعجب لماذا يولون هكذا ان هذا الرجل لم يقل شياء اقول له اريد ان أأكل يقول لى مسمار وجزمة ودولار والعجب كل العجب من الحاضرين يقولون الله الله الله على ماذا ان ماقاله هراء مالى انا بالحذاء والرباط وبعدد الاحذية والله ان هذا الرجل يحتاج مسمار فى مؤخرتة لكى يفيق
حسن و سفروت يشدون جاد من ملابسة
تعالى ياجاد الحق بعيد عن مولانا
جاد مولانا لا تقولوا مولانا
الشيخ النبراوى الا تعجبك مولانا اتريد مثلا اخر
جاد بالله عليك اذهب الى مسمارك ودولارك من هذا الرجل ياحسن
حسن هذا رجل من علماء البلد وهو فقيه فى اللغة
جاد فقيه فى اللغة ام فقيه فى اللحوم المشوية
سفروت انا عارف انك جعان يا جاد تعالى متزعلش حجيب لك سندوتش طعمية
جاد ولماذا لا اكل من هذا اللحم اليس هذا من خيرات الله على عباده
سفروت مولانا حاجة واحنا حاجة تانية
فى نفس اللحظة ينظرحسن الى شربات التى تاتى الى محل الاقمشة
حسن ما انش الاوان يا جميل
شربات لما تبطل تاخد فلوس من ابوك بيتنا ليك مفتوح
جاد ينسى الطعام وينظر الى شربات وبقول كيف يامراة بيتكم مفتوح
شربان يه يه مين ده يا حسن ده من البلد جيت لنا منين انت راخر
حسن تعالى تعالى بعدين تعالى هاقولك كلمتين
جاد كيف هذا ايحدث هذا امامنا
سفروت انت فاهم غلط يا جاد حسن عايز يخطبها يعنى عايزها فى الحلال
جاد يتجه نحو شربات بالله عليك ياخى قل لى كيف تتمالكوت انفسكم امام هذه الحورية الجميلة
والله لو راها اميرنا لحارب الكون كله من اجلها ان هذه المراة كالشهد المصفى
حسن ايه هو ده ماتفوق لنفسك ياجاد
كباب المقام المشهد الثانى 7
حسن اية هو ده ماتفوق لنفسك ياجاد مالقتش غير شربات اللى انا عايز اتجوزها البلد والشوارع مليانة بالشهد والعسل الابيض
جاد كدت ان اجن كدت ان افتتن ياحسن
حسن ما تفوق وتمسك نفسك يا جاد ولا ايه الفرق بينا وبين الحيوانات
شربات تضحك بدلع هو الراجل ده عمره ما شاف ستات
جاد والله كاد عقلى ان يطير يمسك رأسه راسى اين راسى
شربات تزيد من الضحك اه ياراجل يا انتيكة إلحق يا حسن الراجل هايتجنن
جاد بكم هذه الجارية ياحسن اه لو كان معى دراهم تكفى كنت اشتريت عشرة منها
شربات تشترى اية ياراجل يا خلل انت شارب حاجة ولا فاتت عليك فوتة
حسن ياجدع اعقل ما فيش حاجة دلوقتى اسمها جوارى اعقل الدنيا اطورت
شربات بدلع اكثر جوارى الراجل ده بيجيب الأسماء دى منين
جاد يسمع الضحكة تهتز الدنيا من تحتة وينظر الى السماء ممسكا بشربات وهو يقول نجنى يا من نجيت يوسف نجنى يا من اخرجت يونس من بطن الحوت
شربات تتخلص من يديه وتجرى مسرعا الى الخارج إلحقونى يا ناس الراجل اتجنن
جاد لابد ان اجن لان ما حدث لا يجعل العقل ثابت فى الراس
وهنا ينتهى المشهد الثانى
باب المقام المشهد الثالث 8
المكان امام محل الاقمشة والملابس الذى يمتلكة مينا الوقت بعد غروب الشمس المسرح مظلم دائرة من الضوة على مينا وحسن وجاد الحق ومصطفى فى حالة بينما جاد يقص عليهم موقفة مع حسن فى اول لقاء لهم
ياتى حنفى من نقطة الظلام ببطء شديد فى نفس الوقت التى نسمع فيه الاذان
حنفى الا تسمعون الاذان افى اذنيكم قطن
مصطفى اتفضل اجلس يا اخ حنفى
حنفى والله لن اجلس في مكان به مينا
جاد الحق لماذا يا اخ الاسلام
حنفى الا تعرفون لماذا لان ملائكة الرحمن لا يقتربون من مجلس به نصرانى إذا فالجلوس معة حرام
جاد يقوم مفزوعا وهو يقول هل اتى نبياً جديداً بعد محمد
حسن ما تشغلش بالك يا جاد ده عيل بيخرف
مصطفى ازاى يا حسن مانشغلش بالنا ما هو ده الكلام اللى بيخرب البلد ما ترد يا مينا انت قاعد ساكت ليه
مينا هارد اقول اية ما انتم عارفين ان احنا كلنا بنعرف ربنا
مصطفى اية الموضوع بالظبط يا حنفى فى حاجة بينك وبين مينا
حنفى ساخرا مينا من هو مينا
مصطفى واحد من عباد الله اللى بيحبوا البلد وبيخافوا عليها زى اى واحد فينا
جاد يرد بغضب على حنفى قائلاً من علمك هذا الكلام ومن اين جئت به ياغلام
حنفى جئت به من الكتاب والسنة وتفسير العلماء واجتهادى
جاد اي علماء قالوا هذا والله ان هذا الكلام ليس له علاقة بالكتاب والسنة وإذا كانوا العلماء قالوا هذا فهم لا يفهمون شئ
والله ان جميع الاديان السماوية جاءت من اجل ان يحب الناس بعضهم البعض والله يقول فى كتابة لرسولة لست عليهم بمسيطر
حسن بغضب شديد امشى روح لحالك ياحنفى وسيبك من الطريقة دى
حنفى اللهم انى بلغت اللهم فاشهد
مصطفى يرد بسخرية بلغت ماذا
حنفى نبهتكم الى الصلاة وعد الجلوس مع مينا
كباب المقام من المشهد الثالث 9
حسن يابنى قلت لك روح لحالك المسجد قريب اهة لما نعوز نصلى هنروح نصلى
حنفى لا تجوز الصلاة فى هذا المسجد لانه بيني على غير تقوى اما مسجدنا بني على التقوى
جاد يابنى من اين تاتى بهذا الكلام
من امير الجماعة ياكفرة
حسن امشى يابن الكلب
حنفى راجع لكم تانى ياكفرة ومعى جنود الله فى الارض
حسن وانت يا مينا دايما ساكت كدة انت مش من اهل البلد وبتخاف عليها
سايب الواد حنفى والجماعة بتاعتة يخربوا فى البلد وعامل ودن من طين وودن من عجين
مينا يعنى انا هاعمل اية يعنى هو بيغلط في لوحدى ما هو بيغلط فينا كلنا والله ده احنا لحد وقت قريب كنا زى السمنة على العسل انا عارف اية اللى حصل
جاد وما الذى حدث
مينا طبعا انتم عارفين ان احنا جيران البيت جنب البيت ومكنش يوم يعدى الا لما اروح عندى حنفى وحنفى يجى عندى
مصطفى متقول يا مينا بسرعة على اللى حصل
مينا ها قول اهه من حوالى كدة خمس شهور كان فى راجل بيجى لحنفى البيت والراجل ده مش من اهل البلد
حسن امال منين
مينا الراجل ده غريب عن بلدنا
جاد وكيف عرفت انه ليس من اهل البلده
مينا من لبسة من كلامة وطريقة اكلة
مصطفى با هتمام وبعدين يا مينا
مينا كل ما كان الرجل ده يجى يزور حنفى حنفى يبعد اكتر لحد ما بطل يكلمنى قلت ياواد روحلة البيت شوف الموضوع ومن سوء حظى لقيت الراجل ده عندة ولما جيت ادخل لقيت الراجل ده بيشاور لحنفى عشان مدخلش
جاد وما اسم هذا الرجل
مينا انا معرفش اسمه
حسن شكلة اية الراجل ده
مصطفى ولابس ازاى وبلده فين
كباب المقام المشهد الثالث 10
مينا هو مربى شنبة ولابس فوق راسة برنيطة مصطفى اه يا ولاد الابالسة مش عايزين يسيبوا البلد فى حالها
حسن مين يا مصطفى انت عرفت الراجل اللى بيقول علية مينا
ايوة عرفت دول ناس طول عمرهم مش عايزينا نتقدم
حسن لازم تعرف يا مصطفى انهم مش السبب والوحيد ان بلدنا تتأخر احنا اللى شجعناهم على كدة لما سبنا كل شباب البلد يسافر عندهم
مينا هو يعنى الشباب بيسافر من قليل ما هو من اللى بيشوفوا ناس تعرق ومتلقاش وناس ماشية زى القشاش
حسن تقدروا تقولولى الواد حنفى والجماعة بتاعتة بياكلوا منين وهما ما بيشتغلوشا الواحد فيهم بقدرة قادرة بعد ما يدخل الجماعة بعدة شهور يجوز ويفتح مشروع ويقعد يكفر فى الناس واللى يجنن الواحد اكتر انهم عيال بتوع سياسة مش بتوع دين
انا اعرف ان رجل الدين يبقى مش بصباص لكن والله العظيم وماليكوا عليه حلفان الواد حنفى أستاذ نسوان وكل يوم شربات تشتكيلى منه رايحة جاية يعاكس فيها وكل مرة فى منتهى قلة الادب
فى التوقيت يصل حنفى
حنفى الا زلتم جالسون والله لا عطيكم درسا لن تاخذوه من ابائكم
تهجم الجماعة وهى تكبر الله اكبر الله اكبر وينهالوة ضرب على حسن ومصطفى ومينا وجاد ونسمع صراخ وينتهى المشهد على جاد ومينا
جاد إلى بالسيف لقد هجموا علينا القوم بغتة
مينا يصرخ الرب راعى فلا يعوزنى شئ
كباب المقام 11
إظلام تدريجى على المسرح نفس الشارع ولكن المقهى والمحلات مازالت مغلقة ومازال الوقت مبكرا فى الصباح
حنفى من داخل منزلة ومن فتحة شباك صغيرة منتظراً شربات ان تمر شربات تذهب لشراء الفول والطعمية وعدة ارغفة وهى تدندن بعض الاغانى
حنفى مناديا بصوت هامس شربات شربات
شربات تلتف الي الخلف ايوه مين الله الصوت ده جاى منين
حنفى انا هنا اريد ان اقول لكى كلمة فى اذنيك
شربات عايز اية ياشيخ حنفى متصتبح وتقول يا صبح
كلمة واحدة يا شربات والله لم أذهب هذا الصباح الى درس الفقة لكى اراك
شربات نعم يا سيدى عايز تقول اية خلصنا
حنفى ياسلام يا شربات لو تردي الطرحة البيضاء على راسك وتردي جلباب اطول من هذا الذى ترتدية تصبحين اجمل بكثير ثم يخرج راسة اكثر من الشباك ناظرا الى صدرها ثم يقول اتعجبك حياة الجاهلية
شربات وبعدين فيك ياشيخ تيوان خليك فى حالك وبعدين صلح نفسك الأول يا حنفى وبعدين ابقى انصح العباد
حنفى ينظر الى صدر شربات اكثر وعيناء جاحظتين وفمة مفتوح ويقول لدينا فى المنزل تفاح امريكانى لا يصلح إلا لفمك
شربات باين عليك عايز علقة زى بتاعتة زمان انت مش عايز تتوب ابدا يا حنفى
حنفى مازالت عنيه معلقة على صدرها وهو يقول اتوب عن ماذا الم تخرجى أبانا ادم من الجنة
شربات يعنى انت مش هاتسكت يابو دقن عيرة طب انا هاصوت والم عليك الدنيا
حنفى يقفل الشباك سريعاً يا اخ عطوة هيا الي الدرس
كباب المقام المشهد الرابع 12
المكان داخل مبنى الجامعة يمين المسرح تجمع شباب يسارى ووسط المسرح يجلس امجد وسميرة على كافيتريا على يسار المسرح تجمع شباب الاسلام السياسى
الاضاءة تبدا الاضاءة على تجمع شباب الاسلام السياسى يسار المسرح ثم اضاءة اكثر على مسؤل االجماعة
مسؤل الجماعة ان الحمد لله نحمده ونستعين به ونعوذ بالله من شرور انفسنا ومن سيئات اعمالنا من يهديه الله فلا مضل له ومن يضلل فلا هادى له وأشهد ان لا اله الا الله وان محمد رسول الله ادى الرسالة وبلغ الامانة ونصح الامة وكشف الغمة تركنا على المحجة البيضاء ليلها كنهارها لا يزيغ عنها إلا هالك
اللهم اجزية عنا خيرا يارب العالمين ايها الاخوة فى الاسلام من الطلبة والطالبات تعلمون ان هذه الارض تمر بازمة الاخلاق وفساد فى النفوس ولا مخرج لنا الا إلا بالعودة الى تطبيق شرع الله والعودة الى منهج السلف الصالح والتشبه بهم فى الماكل والمشرب والملبس فاعليكم بالاخ زغلول فهو خير من الفجرة وهو خيراً من يمثلكم
طالب يسأل ماهو برنامج الاخ زغلول وماذا يفعل لنا
مسئول الجماعة سبحان الله على أسئلتك ياخى برنامج الاخ زغلول هو كتاب الله والسنة واضح يا اخى ان الشيطان يلعب براسك لانك تسأل عن دنياك ولا تسأل عن اخرتك وانا اقول لك عندما تأخذك الدنيا تذكر الموت فهو خير دليل للرد على أسئلتك ثم هتاف
اسلامية إسلامية لا شرقية ولا غربية
كباب المقام المشهد الرابع 13
إظلام تدريجى على الجماعة مع اضاءة تدريجية على تجمع الشباب اليسارى
مندوب اليسار ايها الرفاق ان الامبريالية البدنجانية التى تعكس اللاوعى عند الطبقة السفلى من الإذن الوسطى مازالت فى تطور مستمر وحركة دائمة غير مرئية ولا ترى إلا بالاشاعة المنتفخة المركزة فى الجزء الاسفل من بواطن الامور ايها الرفاق ان ما يتم من القلى داخل الطاسات الاكترونية ناتج عن حالات غليان فى الكعب الاسفل
طالب يسأل من فضل الرفيق ممكن توضيح اكثر لانى مش فاهم حاجة اية علاقة اللى انت بتقولة بمشاكل البلد
مندوب اليسار ايها الرفاق لو كان الرفيق قرا بلخانوف عندما وضع الرجعية المحلية والتونوقراط فى خندق واحد وحذرهم من الوقوع فى احضان الفوضوية ما كان سئل هذا السؤال
فى هذه اللحظة تقترب اعضاء الجماعة من التجمع اليساري
مسئول الاخوان اما زلتم تتبعون قبلة الشيطان اما زلتم عن كتاب الله غافلين إذا هى الحرب بيننا وبينكم الله اكبر الله اكبر اسلامية إسلامية
إظلام تدريجى وإضاءة تدريجة على امجد وسميرة
امجد امتى الواحد يخلص الدراسة عشان يسافر اى بلد عشان يكون نفسة
سميرة انا بفضل تكون نفسك هنا فى بلدك افضل من الغربة ونطام الكفيل وبلدنا فيها خير كتير
امجد فين الخير ده عاجبك الحالة اللى احنا فيها الواحد يدرس 16 سنة عشان فى النهاية يقعد من غير شغل واذا اشتغل يبقى لازم يسرق عشان يعيش
سميرة الكلام ده مش مظبوط يا امجد فيه ناس كتبر عايشة ومبتسرقش ولا انت بتهرب منى عشان ماتتجوزنيش
امجد ما تقوليش كده انتى عارفة انا بحبك قد اية ومش ممكن استغنى عنك ولكن الحكاية انك لو طلبتى فستان او جزمة مش هاقدر اجيبوا طبعا ده غير الشقة
كباب المقام المشهد الرابع 14
سميرة صدقنى يا امجد ان بلدنا غنية جدا لدرجة ان فيه ناس بيشغلوا فلوسهم بره تقدر تقولى الناس دول بتجيب الفلوس دى منين
امجد ايه يعنى كلامك ده يا سميرة انت كدة بتقوللى روح اسرق
سميرة انا مقلتش كده لكن انا ضد الناس اللى بتهرب وتسيب البلد لما انت تسافر وانا اسافر وغيرنا يسافر تقدر تقولى مين اللى هايدافع عن مصالح الناس
فى هذا التوقيت ياتى من خلف سميرة اثنين من الطلبة اعضاء الجماعة
الاخ عويس والاخ عمران
عمران لماذا تجلسون هكذا
عويس اهى اختك
امجد نحن اصدقاء
سمبرة وكمان هو هايخطبنى
عمران الم نحذر من قبل ونقول ما جلس رجل وامراة الا والشيطان ثالثهما
امجد اولا احنا قاعدين فى وسط الناس ثانيا احنا مش مرضى ثالثا احنا عارفين نحافظ على نفسنا ازاى
عويس كيف تحافظون على انفسكم وهذ الفتاة متبرجة تبرج الجاهلية الاولى
سميرة حافظ على الفاظك لو سمحت
عمران يضع يده على وسطه ويحل جنزير عجلة وينهال على سميرة وامجد مع ترديد الله اكبر سينصرنا الله عليهم ان شاء الله
كباب المقام المشهد الخامس 15
المكان مكان مهجور بعيد عن المناطق السكانية الاضاءة منخفضة النبراوى وجماعتة يتحدثون بصوت هادى الجلسة شبه سرية
النبراوى احب ان اقول لكم انكم نجحتم بنسبة سبعين فى المئة ونفذتم ما طلب منكم لكن دعونى اقول لكم ملاححظتين اولا انكم وضعتم القنابل فى مناطق غير اهلة بالسكان وكان يجب أن توضع فى اماكن مزدحمة حتى يصبح عدد الضحايا من الكفرة كثير ولا تنسوا ان الحسنة بعشرة امثالها هل تفهمون ما اقول
عطوة نعم نفهم ولكن يجب عليك يا مولانا ان تساعدنا اكثر فنحن فيه حاجة اكثر الى فتاويك فى التلفاز كذلك المزيد من المال والعتاد
النبراوى هة هة هة الملحوظ الثانية لابد ان تعلموا ان هناك كثيرا من الذين يسموا انفسهم بالوطنيين وغالبيتهم من الملاحدة والاشتراكيين وهم بتربصون بى ويريدون ان يكشفوا امري ولا كنى لهم بالمرصاد فالا استطيع ان ازيدكم باكثرا من هذا فى الوقت الحالى ودعونا نتحدث عن المستقبل فالدينا مهام عاجلة واساسية الا وهى التخلص من بعض المفكرين الذين يناصرون العقل على افكارنا الدينية ومن بعض الرؤوس الكبيرة التى تقف فى وجه الدعوة وعليكم ان تعوا ما اقول جيداً نحن فى حاجة الى المزيد من تجنيد الشباب لاننا على مقربة من الحرب الحاسمة التى سنرفع الراية بعدها ويكون العلم كالسيف
حنفى يجب ان تعلم يا مولانا اننا اصبحنا فى مأزق وكاد امرنا ان ينكشف فالجميع بدا يسأل عن مصدر الرزق وليس فى مصلحتنا ان نكشف امر الجهات الرسمية التى تتعامل معنا
النبراوى اهة اهة سؤال وجيه ياخى ولكن اعلم اننا لسنا نائمين فاخوتنا فى نقابة الموازين والنقابات الاخرى يقمون بغسل الاموال حتى تصبح سليمة ولدينا بدائل كثيرة من شركات وبنوك ومشاريع اسمها خيرية والى اخر ان شاء الله
كباب المقام المشهد السادس 16
اصوات مظاهرات وهتافات تاتى من الشارع امام المقهى يحدث حالة من التداخل والحركة السريعة لمعرفة مايحدث يتدخل احد شباب البلدة ويدعى حمزة وحولة عدد من اهالى الحى
حمزة لابد ان نكون جميعا لدينا وعى بما يحدث فى البلد ولابد ان نشارك فى كل الاحداث لانه لن يحدث اى تغيير إلى الافضل الا بالمشاركة الجماعية
مينا يعنى احنا هانعمل اية نروح الانتخابات زى مانروحش الحكومة بتنجح اللى هى عايزة تنجحة
حمزة الكلام ده مش مظبوط لانة كلام سلبى لان المشاركة والتصدى هما السبيل الوحيد للخروج من الازمة
مينا التصدى لمين للحكومة ولا لجماعات التكفير
حمزة التصدى لكل شئ ضد بلدنا
مينا والله دى بقت حاجة تكفر احنا مش عارفين نصدق مين نصدق الحكومة اللى بتجيب النبراوى فى التلفزيون يكفر فينا ولا نصدق حنفى ولا نصدق حضرتك
جاد يترائى لي انكم جميعا واحد
حمزة هذا الكلام مش صحيح احنا مش كلنا واحد لازم تعرفوا ان فيه ناس بتحب البلد وبتخاف على مصالحكم وانا معاكم ان الشيخ النبراوى وغيرة من النصابين مابيخافوش على مصالح البلد
مصطفى قلنا حضرتك نعمل اية كل يوم جرايد ومقالات تشجع الناس على التطرف وبعدين يسجنوا الناس اللى بتقراء مش هما اللى بيكتبوا كلام غلط والله احنا مش عارفين هما عايزين اية
حمز كل اللى انتوا بتقولوه صح بس احنا لازم نعرف جذور المشكلة فين مين المسئول عن التطرف مين اللى بيشجع الشيخ النبراوى ويدفع له الاف الدولارات واية اللي خلى حنفى يعمل كدة واية اللي خلى اقتصاد بلدنا يبقى كدة عشان نعرف كل الإجابات لازم نشارك لو كنا عايزين ديمقراطية حقيقية
كباب المقام المشهد السادس 17
يقتحم حنفى الحوار قالا
حنفى نحن لدينا الحل وان ما تدعونه هو الكفر ويخالف شرع الله ولا يوجد شئ اسمه الديمقراطية وهذه الكلمة درب من دروب الكفر وان حل مشاكل الناس لن يكون إلا على ايدينا أن شاء الله
حمزة احنا عايزين نعرف ازي هاتحلوا مشاكل الناس وليه الديمقراطية كفر
حنفى لان المجلس يأخذ قرارات تتعارض مع كتاب الله وهذا المجلس قائم تحت اسم الديمقراطية إذا هى تعتبر درب من دروب الكفر اما عن مشاكل المؤمنين فاهى هينة مع تطبيق شرع الله فنحن لدينا خطة للوضع الخارجى
مصطفى فى سخرية وما هى الخطة ان شاء الله
حنفى نخرج على اوربا والغرب معا نامرهم بالإسلام وان يطيعوا الله وسنة رسوله فان ابوا فالحرب بيننا وبينهم و سينصرنا الله عليهم ونرجع بهم غنائم
حمزة يشير الى اهل الحى هل سمعتم ما يقوله حنفى عن تحسين وضع الناس انه ليس لديه اى برنامج سياسى او اقتصادي
حنفى يضحك ساخراً ويقول برنامج اقتصادي ياللعجب والله ما هو الا ورق داخل وورق خارج
شربات تاتى من الخلف ثم تقول بصوت هادي
شربات داخل وخارج يا حنفى اتلم يا حنفى بدل ما اقول للناس على اللى انت بتعملة
حنفى يزوغ سريعاً وهو ينادى يا اخ عطوة اين انت لقد حان موعد الدرس يا اخى
كباب المقام المشهد السابع 18
فى جلسة شبه سرية فى منزل مينا يجلس مصطفى وحسن وجاد وشربات
مصطفى شوفوا ياجماعة احنا النهاردة عند مينا علشان لازم نعمل حاجة كل يوم بيعدى احوال البلد بتدهور واحنا واقفين محلك سر
جاد بالرغم من انى رايت أشياء كثيرة لا استطيع فهمها ولكنى معكم لانى لم ارى احد يحب البلد مثلكم
شربات انا عايزة اقول كلمة صغيرة بصراحة كدة انا زعلانة من مينا لانة بيتصرف زى ما يكون مش من اهل البلد كل حاجة يقول ماليش دعوى
مينا انا مش عايز مشاكل يا شربات انا بس بقول الباب اللى يجيلك منة الريح سدة واستريح
حسن بغضب ريح ايه واستريح اية ياعم مينا وبعدين مش مينا لوحده هو اللى سلبى كلنا عاملين ودن من طين وودن من عجين تقدروا تقولولى احنا عملنا اية مع المسئولين عن البلد واحنا عارفين انهم بيسرقونا بالليل والنهار كمان عملنا اية مع جماعة حنفى لما سرقت مصطفى ومينا
شربات تشير بيدها الى مصطفى ومينا انا مش عارفة انتم خليتم اية للنسوان تتسرقوا وتسكتوا
مينا يعنى احنا اللى بنتسرق بس البلد كلها اتسرقت
مصطفى الكلام بدون عمل مالوش نتيجة واحنا لازم نعمل حاجة بس اية هيه انا مش عارف فكروا معايا
جاد لابد ان يعرف الناس ان اى دين لا يسمح بالسرقة وان جماعة حنفى بيحللوا السرقة لانهم لصوص وليس دعاة دين
حسن لازم تعرفوا حاجة ان مش احنا اللى بنتسرق بس الخوف على البلد كلها دول يسرقوا البلد ويبعوها
شربات يبقى لازم نقوفهم عند حدهم كلا واحد فينا عليه دور لازم يعملوا انا من النهاردة هاقول على كل حاجة بيعملها حنفى والجماعة بتاعتة والله لفضحهم واخلى اللى ما يشترى يتفرج
مصطفى المشكلة ياجماعة مش حنفى بس المشكلة المسئولين وحنفى وجهين لعملة واحدة
كباب المقام المشهد السابع 19
مصطفى المشكلة ياجماعة مش حنفى بس المشكلة المسئولين وحنفى وجهين لعملة واحدة وانهم لحد دلوقتى سرقوا نصف البلد واحنا واقفين نتفرج وانا عايز أسأل سؤال احنا نقدر نرجع النصف اللى اتسرق ولا نسيبهم يسرقوا النصف الثانى
الجميع يرد فى صوت واحد هانرجع النصف اللى اتسرق لازم يرجع لازم يرجع
المشهد الثامن جاد يجلس على المسرح ويده على خدية وهو شبه حزين الاضاءة منخفضة مع سماع صوت ناى نغمة تأتي من الزمن البعيد وبعد عدة لحظات من المشهد يدخل حمزة وهو يبحث عن جاد حمزة ياجاد انت فين ياراجل حد زعلك ولا اية جاد ياريتنى كنت مت قبل ماشوف اليوم ده
حمزة لازم حد زعلك قولى مين هوه
جاد ها قولك اية ولا اية يعنى انت عاجبك الحالة اللى احنا فيها هل تستطيع أن تقول لى اين الحكماء
حمزة تقصد المثقفين
جاد سميهم كما شئت حمزة الحكماء اللى انت بتقصدهم بقوا زى خيال الماتة يعنى شكل وبس كل يوم يقولوا حاجة مرة ابيض ومرة اصفر ومرة احمر يعنى كل الوان الطيف
جاد واية اللى خلاهم كدة
حمزة من اللى شافتوا البلد على كل لون يا بطسطا لحد البلد ما تعبت وبقت زى ما انت شايف كدة يعنى بالعربى الحكيم بقى نصف مثقف والنصف التانى ملخبط ويبقى مش عارف هو عايز اية ومع مين من على يسار المسرح ياتى حسن باحثا عن جاد
حسن اية يا جاد احنا مش متفقين نعمل حاجة تسيبنى وتمشى من غير ما تقول
جاد حاجة واحدة فقط ياحسن احنا محتاجين الف حاجة وحاجة
كباب المقام المشهد الثامن 20
حمزة لا انا كدة ازعل ياحسن طب سلم الاول
حسن لامؤخذة ياحسن الواحد دماغة بتلف من اللى بيشوفوا
حمزة خير فى حاجة
حسن شفت الجرايد مكتوب فيها اية النهاردة
حمزة مكتوب اية الوزارة اتغيرت
حسن ياريت مكتوب توبة الفنانة عدلات والراقصة بطة
جاد توبتهم عن ماذا
حسن ضاحكا عن الرقص يا جاد
جاد اكان يرقصان فى السر دون ان يعلم الناس
حمزة هو ده الموضوع اللى مزعلك
حسن انا مش زعلان ولا حاجة انا بس بستغرب على الناس دول بعد الواحدة ما تشترى الفيلا والعربية وتحط الباقى فى البنك تقول انا تبت
حمز يا سيدى ما تشغلش بالك هما دول فنانين ولا يعرفوا حاجة عن الفن
جاد اتقول انهم اعلنوا توبتهم
حسن ايوه يا جاد
جاد اذن لدية فكرة نذهب اليهم ونعرض عليهم ان يعطونا ما كسبوا من اموال
حمزة ازاى ياجاد
جاد كيف كسبوا هذه الاموال اليس من الرقص والتمثيل
حسن ايوه
جاد اذن هى اموال جمعت من العمل الذي تابوا عنه وعليهم ان يتبرعوا بها لبناء منازل لاهل البلد
حمزة والله فكرة كويسة بس عمرهم ما هايوفقوا عليها
جاد لماذا الم يقل حسن انهم اعلنوا توبتهم
لم يجيب جاد احد فاينسحب من على المسرح وهو شبه حزين
كباب المقام المشهد الثامن 21
حمزة موضوع الراقصين دي حاجة هايفة قوى ياحسن تعرف ان واحد من المسئولين عن تطبيق القوانين فى البلد بيروح ءئعند واحدة من الدجالين عشان تقرا له الكف
حسن يا نهار اسود يبقى احنا زعلانين من حنفى ليه
حمزة احنا ضد حنفى عشان هو بيحول الصراع الاجتماعي
حسن اتكلم عربى عشان افهم ياجدع
حسن ها قولك بطريقة تانية كل اهل البلد عارفين انهم تعيانين في حياتهم واحنا المفروض نوعى الناس عشان يعرفوا ياخدوا حقوقهم وحنفى بيحول نظر الناس الى حاجة تانية
حسن زى اية يعنى
حمزة زى موضوع قتل السياح مثلاً لما سائح يموت اهل البلد هايناموا شبعانين
حسن لا طبعا
حمزة كمان فى حاجة ياحسن انهم بيفرقوا بين اهل البلد وانت عارف ان البلد طول عمرها واحد يعنى مصطفى كان جنب مينا لما حاربوا فى سينا
جاد يدخل حاملاً بعض حاجتة الشخصية ويستعد للرحيل
جاد انا ماشى ياحسن
حسن رايح فين ياجاد هو ده اللى اتفقنا عليه
جاد راجع انام تانى مش قادر اتحمل الله يكون فى عونكم خلاص تعبت ياريتنى ما كنت صحيت
كابوس كابوس فظيع
النهاية
ستار رجب ابوالحارث
باريس


انقر هنا لقراءة الخبر من مصدره.