ما فيش فايده الحصان مِتحكم فيه عربجي كل همه المال مش فارق معاه إرهاقه ولا فارق معاه إن كان شبعان أو جعان كل همه يوصل لغرضه بأمان وان حصل للحصان بيعه يكون تمام أصله شايف إن الحصان من كتر ما تركب صبح هزيل هلكان ما فيش عربجي عاشق ولا عربجي بطل ولا عربجي إنسان مات الضمير واندفن والفرسه محتاجة فارس حافظ كل الحواري لكن بكل أسف مات زمن الفرسان ما فيش عربجي حريف يقدر بكرباجه الضعيف يعدي بالحصان والركاب لبر الأمان ما فيش غير أفيش يفرح الدراويش متعلق ع الحيطان متعلق في كل مكان ما فيش فايده ركاب الحصان في نفس الميدان والعربجي نعسان ولم يزيد شخيره الركاب بايدها تشيله تنزله من ع الحصان يطلع فارس غيره أوام نستبشر بيه ونغنيله يلف بينا كام لفه وناخد إحنا كام غفلة وفي النهاية نصحا نلقينا في نفس المكان ما فيش فايده الركاب مُصابه بالإحباط والملل ودا مش مهم أنا بس خايف ليموت الحصان ----------------- [email protected]