فاكرة؟ فاكرة أول مرة إتقابلنا من غير ميعاد كان يوم ميلاد لحظة جت عينية ف عنيكى من غير كلام إتواعدنا وخدنا ميعاد ولا قدرنا عالبعاد وروحنا بعيد فى مكان بعيد لقينا شوقنا سبقنا ف إنتظارنا واتقابلنا أنا وانتى وشوقنا وحكينا وقولنا أول كلمة حُب بينا رسمت حروفها جوة قلوبنا لسة فاكرة؟ فاكرة؟ فاكرة أول لمسة أيد كانت عيد لحظة صمت غريب سِكت فيها الكلام حركت كُل جوارحنا وتعلقت لمسة إيدينا بنظرة عنينا ورسمة حروفنا جوة قلوبنا ودى كانت أول كلمة عِشق بينا لسة فاكرة؟ وابتدينا حياتنا وقولنا كلام كتير وكتير وياما إتواعدنا وياما إتقابلنا وكان حُبنا أكبر من أى كلمة حُب بينا وكان عِشقنا ضِلنا يروى عطشنا ويزيد شوقنا ويكتر حُبنا ويكبر عِشقنا لسة فاكرة؟ أول كلمة حُب بينا لسة فاكرة؟ أول كلمة عِشق بينا لسة فاكرة؟؟ [email protected]