: يا ديب سايب جبلك وجاى تعوى علينا ليه سايق علينا هبلك وديلك مداريه اعوى مهما تعوى صوتك خلاص اخدنا عليه ارجع يا ديب منين ما جيت العشه فاضية ناشفة من الكتاكيت المرة دى ضربتنا قاضية وهتجعل منك فتافيت ارجع يا ديب مطرح ما جيت يا ما عويت يا ديب وكان صوتك كداب تخوف الاف البشر وانت تخاف من الكلاب عجبى على ناس قلوبها حجر وحطه عليها ميت ترباس واول ما ينزل عليها القدر تعمل قلوبها مداس وان راحت البلوى وزال الخطر يرجع كما كان هلاس عيب يبقى الشيب مغطينا يبقى الشيب واكل فينا وان شوفنا لقمة نقطع عليها بعضينا وتضييع حقوقنا بين فكين ديابة ملاعين ما نقدر نفتح حلوقنا ونترك لهم الملاعب فدادين ونغمض عينينا قال يعنى مش شايفين عجبى على ناس عقولها ماتتغذى الا على برسيم وان شافت الشاطر تقوله افهم بقى يا بهيم كل الخلق عندهم عبايط وهما بس اللى فى الكون ناصحين