أنا شايف الحكومة بقت بتخبط أنا شايف الحكومة بقت بتلطش أنا شايف إن أنا مبقتش شايف فاتت سنين وسنين وأنا بقول بُكرة تتعدل والغلط بيكبر ويكبر واقول بُكرة حيبقى أفضل حتى لبست شوافة وفضلت أقول مُش معقول دا حكومة هايلة وشايفة إلى أنا مُش شايفُة ومن يوم ما طلعت الصيحة وناس بتقول تغيير تغيير وبرضُة قولت أكيد الناس مُش شايفة وصرخت جماهير خالد سعيد صرخة وراها صرخة ولقيت تكذيب ورا تعذيب راح فيها سعيد ومحدش فينا سعيد ويوم ورا يوم والحكومة تُلفُق توب من حتة يقطع فى حتة تانية وشوفت الجراح فينا بتزيد كُل ثانية وكُل يوم يطلع علينا وزير بقصة واحد يشتكى من نقص المية ويقول النيل ضل الطريق والمواسير كُل يوم بتتفجّر وواحد يقول إتحزموا عالبطون متكلوش لحمة والعيش والقمح والرز والسكر وآخرتها وزير النور يقول طفوا النور فى الذروة وبقت العيشة مشاكل فى مشاكل وأوقات ذروة ياحكومة ياحبيبتنا يا غالية علينا أية إلى عملتية فينا فى إلى فات من عُمرنا وأيامنا وليالينا عيشتينا الحلم وصرنا نشرب المُر وماسكين بإيديكوا ورجليكوا فى كراسيكوا حايصين لايصين ولا داريين بإلى جرى لينا ولسة بتكدبوا والكدب صار أمانينا حتى الحلم بطلناة من كُتر كدبُكوا علينا حنزرع القمح والرز ولا الشعير والبرسيم محناش عارفين الأكل لمين للبنى آدمين ولا الحمير ولا يكون دة مفهوم جديد مُساواة للبنى حمير وإوعى تقولى صَوَت صوتى بقى صويتى وعويلى من كُتر نباحنا بحينا وبتعملوا إلى إنتوا عاوزينُة دحنا فِداكى وفِدى رجلين كراسيكى وتعيشى ياحكومة ونموت إحنا [email protected]