ياقلبى إيه جرالك ... من بعد طول السنين وأنين طالع فى بوحك.. والهم فيك دفين يكونشى سهم جارح...من بعض المغرمين أو رمش من حبايب ...وماكانشى معاك أمين واللا عصفورة حلوة...نامت جوه البطين ماتقوللى يا قلبى مالك...نبضك أصبح ضنين والدم ماعادشى يجرى... وألم باين فى عين قاللى قلبى ياصاحبى...ده حال العاشقين لما طيرك يفوتك ... ويلوف بالمعجبين تلقاك تبكى بدموعك... م الوحده والحنين لياليك تبقى طويله ... محسوبه بالسنين ولا كلمة حلوة تسمع...ولا نظرة تغرى عين وياويل اللى حبيبه... ينساه ولو لحين لكن أرجع وأقولك...مكتوب فوق الجبين وزمان سألوا بهية... ع اللى قتل ياسين ردت والشوق ماليها... إن قلت أقول لمين قتلوه السود عيونى...من فوق ضهر الهجين