بقيت أنسى و عارف أن عقلى ف يوم ح يغيب اعصابى بتتلف منى ورجلى يوم بعد يوم بتسيب عايش لوحدى فى بيت وكأنه جحرلديب مافيش ونس فى حياتى والحب للى زيى انا عيب وأبص كل يوم ف مرايتى أحكى معاها حكايتى ماليش غيرها هى ودوايا واحاول أدارى الشيب مبقاش مهم أنا مين ومعايا كام ف الجيب بقيت أخاف من خبطة باب سلمت أمرى للبواب وعارف أن أكيد جى المخبى لسه ف علم الغيب بقيت بخاف م الوحده وبتخض م لمسه بقيت أنسى بقيت انسى وحاسس أنى متغير مش أنا واحد تانى بسمع كتير ع الألام ومافيش كلام ب يخش ف ودانى على طول سرحان تعبان قرفان وف عنيه دموع حتى التلفون ف بيتى جبان ماعرفش ايه الموضع مبقاش الكلام يعجبنى بيتعبنى وياريت الكلام مسموع ورغم الشبع تملى بحس بجوع وببكى من لمسه بقيت انسى وتيجى الناس تفكرنى تحزنى وتقهرنى بقيت أنسى ما ضاع حلمى وف كل لحظه مش مبسوط عايش انا واليأس وخايف ضميرىقبل منى يموت قبل م أسمع صوت ولادى الخمسه بقيت أنسى