عادتنا كمصريين لازم نفسر نفسر كل حاجه علي هوانا ، وطبعا حدث فني ضخم بحجم مهرجان القاهرة السينمائي الدولي ، لا يمكن أن يمر علينا مرور الكرام دون أن نضيف "التاتش" بتاعنا عليه وندخل بقي علي كام نماية إتقالت علي الفنانيين في الكواليس. 1- أحمد حلمي ومني ذكي متخانقين : ودا طبعا كان واضح جدا لأنه دخل علي الريد كاربت من غيرها في حين إن كل كابلز الفنانيين داخلين سوا.. المهم دخل ووقف يتصور ببدلة سودا من أولها لآخرها ودا طبعا مش دليل علي النكد أبدا أد ما هو دليل شياكة "سموكي" بقي وكده وبعدها بشويه هي دخلت بفستان أخضر غامق شيك الصراحة واتصورت بردو عااادي جدا ، وبعد شويه اتصورو سوا.
2- إيمي سمير غانم مش حامل ومطلقوش وكانت زي الجن وداخله في منتهي الشياكة والسعاده مع جوزها الفنان حسن الرداد والضحكة من الودن للودن. 3- دموع دلال عبدالعزيز كانت عشان نفسها هي كمان في جايزه الصراحة مسلسلها دلوقتي بتاع سابع جار مكسر الدنيا ، وطبعا دا ميمنعش إنها فرحانه لسمير ماهو عشوة العمر بردو. 4- ياسمين صبري مجتش عشان نجمها خفيف، الناس مش سيباها في حالها لما ظهرت كتير الفترة اللي فاتت في مهرجان الجونة وفي برنامج إسعاد بعدها بأيام إتطلقت من دودي. 5- إلهام شاهين خست كتير وفستانها احلي بكتير من فستان السنة اللي فاتت ، ودا لأن إلهام كانت من النجوم القليلين جدا الي حضروا حفل إفتتاح المهرجان السنة اللي فاتت، ودا طبعا لأن فيلمها يوم للستات كان هو فيلم الإفتتاح والسنة دي حضرت المهرجان لأنها واحدة من أهم فنانات السينما في مصر .