• قدر تتقدر هتزعلنى هتتكدر وبراحتك بقى • من حقك تمد إيدك عليها علشان تطبطب … من حقك تستقوى عليها وانت بتحضنها … من حقك تعلى صوتك عليها وانت بتقولها بحبك … من حقك تضغط عليها وانت ماسك إيدها … غير كده مش من حقك وتعتبر جريمة فى حق رجولتك قبل أى شىء. • طول ما السمكة قافلة بقها محدش هيعرف يصطادها. ما هو أصل محدش هيكلف نفسه شبكة علشان سمكة واحدة. • الرجل لازم تكونى مباشرة معاه لأنه مش هيفهم اللف والدوران • • • يعنى لو عاوزة حاجة ادخلى فى الموضوع على طول وبلاش فرهدة. •متسمعيش كلام حد يقولك لما تطلقى هتنورى وتحلوى لأن شكلك ونورك ده قرار نابع من جواكى ودليل حبك لنفسك وتصالحك معاها وملهوش علاقة بسن ولا حالة اجتماعية ولا حد يقولك اتطلقى علشان تخرجى وتشوفى اصحابك براحتك. لأن دول أول ناس هيبعدوا عنك ويخافوا على أزواجهم منك. ولا حد يقولك اتطلقى علشان تنجحى فى شغلك، مش هيحصل. لأن نجاحك مرتبط بتوازن واستقرار حالتك النفسية والعاطفية. مفيش بيت مفيهوش مشاكل بلاش خراب بيوت.
ريشة: هانى حجاج
• فيه فرق ما بين واحد يجيبلك شوكولاتة أو وردة أو قصقوصة ورق كاتبلك عليها كلمتين حلوين ومعندهوش فى الدنيا أغلى منك، وواحد يجيبلك ألماظ لكن عنده منك كثير. • حياة بيقودها العقل أحسن من حياة بيقودها كلام الناس. الانتباه دايما لكلام الناس أول خطوات الفشل. • مجرد حوار افتراضى والرسالة إن اللى بيحبك هيشوف حتى عيوبك مميزات. هى: أنا غيورة هو: ده حب واهتمام وحرص عليا يا بختى بيكى. هى: أنا رغاية هو: ده اطمئنان وألفة وفضفضة وثقة فيا ودورى أسمعك وأنصحك. هى: أنا دبش فى كلامى. هو: يعنى اللى فى قلبك على لسانك وده منتهى النقاء والوضوح والصراحة والطيبة هى: أنا بقفش كتير. هو: دى طفولة وشفافية وبراءة ومعناها انك إنسانة حساسة وأكيد أنا غلطت واتسببت فى زعلك لأن سعادتك مسئوليتى. هى: بحبك • المهم الراجل اللى معاكى شاريكى قد ايه مش شاريلك ايه، انتى محتاجة شريك حياة مش راعى رسمى. • الشخص الأنانى ما بيحبش غير نفسه، ولما يقولك مقدرش أعيش من غيرك صدقيه، لأنه بيحب اللى بيحصل عليه منك وبس، إنما انتى آخر همه. • لو بيحب الكورة اعمليله فشار واتفرجى معاه على الماتش بدل ما يروح يتفرج على القهوة وتيجى واحدة ضاربة تيشرت الفريق اللى بيحبه وراسمة الشعار بتاعه تاتو على إيدها تاخده منك وتمشى. • لما بتزعل منك … كل دقيقة ولحظة بتعدى من غير ما تروح تصالحها هتعمل فجوة بينكم، روح احضنها وكل حاجة هتخلص. • ال ز ( زين ) تعاتبه وتلومه وال ش (شين) تسيبه ليومه. • البنى آدم اللى بيدى من غير حدود بيخلق قدامه إنسان أنانى من غير حدود. • الود بالود والمحبة بالمحبة بالبادى ألطف.
