كتبت مروة مظلوم المرأة الأكثر إثارة للجدل هو اللقب الذى خلعه الشباب على سارة أبوفاشا بدعوى أنها أحق به من لقب آخر لا يناسبها على حد قولهم.. فقد أشعل خبر فوزها بلقب ملكة جمال مصر ونفيه مواقع التواصل الاجتماعى فضلا عن صورها المثيرة التى مازادتهم إلا نفورًا من المسابقة نفسها.. مما دفع سارة للرد على صفحتها الشخصية بأن للجمال مقاييس أخرى غير جمال «الوجه» على حد قولها «فى حاجات كتير بيفكروا فيها كلجنة تحكيم القوام الشكل العام المظهر» مما استفز الشباب أكثر فتنوعت تعليقاتهم على ردها كالآتى: ■ هى الناس زعلانه ليه من الكابتن اللى فاز بلقب ملكة جمال مصر؟ اللى بيكسب لازم يكون مثال بسيط بيعكس اللى موجود ف البلد الحمد لله أنها جت علىقد كده وقضاء أخف من قضاء. ■ الناس كلها بتقارن بين بياعه الفجل باوكرانيا وملكة جمال مصر يا جماعة دى مقصوده عشان مصر مش عايزة تتحسد. ■ دى سارة فاشا.. ملكة جمال مصر 2013! بغض النظر عن أنها بتشتغل فى شركة المرعبين المحدودة! لكن تطلع أمريكية وخدمت الجيش الأمريكى ومفيش حاجة واحدة عليها القيمة فى السى فى بتاعها.. غير أنها موديل.. لا يبقى! سورى يعنى.. ده أم الليف أحلى منها. ■ سارة فاشا ملكة جمال مصر الفيس وتويتر نازل سخرية منها وعلى جمالها الفقير. لكن أنا هتكلم فى حاجة تانية خالص الهانم دى أمريكية الجنسية ولدت فى كاليفورنيا، وفى سن 18 التحقت بالمارينز الأمريكى وخدمت فى الجيش الأمريكى مدة 4 سنوات اشتغلت كموديل ولها فيلم اباحى وطبعا لها صورة مثيرة وعارية جدها هو طاهر أبوفاشا مؤلف ألف ليلة وليلة الإذاعية ومؤلف أغنية الرضا والنور لأم كلثوم دى بقى اللى عايزنها تبقى المثل للبنات المصرية «أمريكية، اباحية، عارية». ■ لو حرب قامت بيننا وبين أمريكا هتحارب جنب بلدها أمريكا اللى أقسمت على الدفاع عنها عرفتوا ليه تم اختيارها ملكة جمال مصر. ■ الناس اللى بتتريق عليها عشان شكلها وجملها الفقير فقط يعنى من الآخر انتوا اختصرتوا المرأة فى شكل وجسد فقط ونرجع نقول حقوق المرأة. من جانبه نفى يوسف سباهى صاحب وكالة «Face to facr» لعارضات الأزياء المنظمة لمسابقة ملكة جمال مصر، ما تردد عن فوز سارة أبوفاشا بلقب ملكة جمال مصر لعام 2013، مؤكدا أن المسابقة لم تنظم هذا العام من الأساس. وفسر سباهى أن سارة أبوفاشا ممثلة أمريكية مصرية تعيش فى أمريكا، وشاركت بالفعل فى مسابقة لملكات جمال الكون أقيمت يناير الماضى فى لوس أنجلوس، والتى حصلت خلالها على وشاح ملكة جمال مصر نظرًا لأنها تحمل جواز سفر مصرياً.
