قدم الرئيس عبد الفتاح السيسي، اعتذاراً لجموع المحامين عن التصرف الفردي، الذي صدر من أحد ضباط الشرطة ضد أحد المحامين الأسبوع الماضىي، قائلا: "أنا بقول للمحامين كلهم حقكم علي، وأنا أعتذر لكم، وبقول لكل أجهزة الدولة من فضلكم لازم نخلى بالنا من كل حاجة رغم الظروف اللى احنا فيها" موجها كلامه للواء مجدي عبد الغفار وزير الداخلية. وأضاف الرئيس على هامش افتتاح 39 مشروعا تنمويا جديدا : "أنا أعتذر لكل مواطن مصرر تعرض لأي إساءة بإعتبارى مسؤول مسؤولية مباشرة عن أى شىء يحصل للمواطن المصرى وبقول لأولادنا فى الشرطة أو فى أى مصلحة حكومية لازم ينتبهوا إنهم بيتعاملوا مع بشر، والوظيفة تفرض عليهم التحمل لان المصريين أهلنا وناسنا ومافيش حد ينفع يقسوا على أهله. وقال: "عاوزين نأخد بالنا دايما ونكون مثل وقدوة" . واستشهد الرئيس بما حدث خلال زيارته الأخيرة لألمانيا والمجر بالقول : كانت تعليمات الحرس بضرورة عدم الاقتراب من أحد أو التوقف من أجل أحد ولكن أنا كسرت هذه التعليمات وأديت أوامر بعسكها لان المواطن المصرى اللى مكلف نفسه، وسايب شغله وحالة عشان يقول أنا معاكم مش ممكن أبدا أقوله أمشى متشكرين لأنهم أهلى وناسى وما ينفعش حد يقسوا على أهله وناسه إحنا لازم نرفق على بعضنا".