تقدم الرئيس عبد الفتاح السيسي، لجموع المحامين، بالإعتذار عن التصرف الفردي المسيء، الذي صدر من أحد ضباط الشرطة ضد محام الأسبوع الماضي، قائلا: "أنا بقول للمحامين كلهم حقكم عليا، وأنا بعتذر لكم يافندم، وبقول لكل أجهزة الدولة من فضلكم، لازم نخلي بالنا من كل حاجة، رغم الظروف اللى إحنا فيها، موجها كلامه للواء مجدي عبد الغفار وزير الداخلية". وأضاف السيسي، على هامش افتتاح 39 مشروعا تنمويا: "أنا بعتذر لكل مواطن مصرى تعرض لأى إساءة، باعتبارى مسئول مسئولية مباشرة عن أى شئ يحصل للمواطن المصري، وبقول لأولادنا في الشرطة أو في أي مصلحة حكومية، لازم ينتبهوا أنهم بيتعاملوا مع بشر، والوظيفة تفرض عليهم التحمل، لأن المصريين أهلنا وناسنا، ومافيش حد ينفع يقسوا على أهله".
واستطرد الرئيس: "عاوزين ناخد بالنا دايما، ونكون مثل وقدوة، وخلال زيارتى الأخيرة لألمانيا والمجر، كانت تعليماتى للحرس بضرورة عدم الاقتراب من أحد، أو التوقف من أجل أحد، ولكن أنا كسرت هذه التعليمات واديت أوامر بعسكها، لأن المواطن المصرى اللى مكلف نفسه، وسايب شغله وحاله عشان يقول أنا معاكم، مش ممكن أبدا، أقوله أمشى متشكرين، لأنهم أهلي وناسي، وما ينفعش حد يقسوا على أهله وناسه، إحنا لازم نرفق على بعضنا".