أيمن بهجت قمر قال الشاعر أيمن بهجت قمر إن الأوبريت الذى كتبه بعنوان "مصر" ،وأهداه لوزارة الداخلية والجيش، يستعرض الأحداث التى مرت خلال ال3سنوات الماضية،ولم يقدمه لمجرد المجاملة ،او "مسح الجوخ"-على حد تعبيره- . وكشف أيمن تفاصيل الأوبريت عبر صفحته على موقع فيس بوك كاتبًا : انتهيت من كتابة مجموعة أغاني وطنية هتتقدم في أوبريت يوم الخميس اللي جاي ،والأوبريت إهداء لوزارة الداخلية والجيش وانتاج جامعة مصر. وأضاف قمر : وبقولها من دلوقتي الأغاني عباره عن استعراض للأحداث اللي حصلت في التلات سنين اللي فاتوا، يعني مش مسح جوخ، إحنا عايزين نربي عيالنا على قيم ومفاهيم صحيحة، يعني مانربيهومش إن الداخلية بتقتل نفسها، والمخابرات بتقتل الداخلية!،يتعلموا الصح والمفهوم الصحيح عشان يعرفوا يتعاملوا مع الحالات الشاذة . وواصل أيمن حديثه : الأغاني من تأليفي وألحان رياض الهمشري، عمرو مصطفى، خالد حماد، محمود طلعت، خالد عز، محمد يحيى ،ومن الموزعين توما .. أحمد الموجي،وغناء محمد فؤاد،شيرين عبد الوهاب ،مدحت صالح ،آمال ماهر ،هشام عباس ،وائل جسار، حنان ماضي، أحمد جمال، ريهام عبد الحكيم،. محمد كيلاني، مي فاروق، رحاب مطاوع،والعرض تأليف عبد الفتاح البلتاجي،وإخراج أشرف ذكي .
