كتب : صلاح المغازى ... كل الناس فيكى طمعانين نفسهم يحكموا قلبك المسكين كل واحد مننا مخبى فرصة ومبين إنه عليكى حزين ونفسه يوصل لحكمك بأى ثمن وإحنا للأسف راضيين ولما يوصل ليكى يبان على حقيقته المسكين يقول منين أجيب ومنين أودى وعلى فين رايحين وللأسف إننا من الأول عارفين راميين عقلنا وبحالنا راضيين يا ترى حاسة بنفسك ولا تقولى أهو يعدى وغيره بكرة جايين ليه يا مصر على حالك تسكتى وتعدى سنين وسنين وكل يوم أسوأ وأسوأ وأنا عليكى حزين حتى أهل بلدك فيكى طمعانين فى حكمك يا مصر عمرك ما سألتيهم ليه وإزاى وفين وسايبة نفسك لأى حد من الملاعين بابتسامة أمل بطلب منك أنا وإخواتى تاخدينا لبر أمين