دلوقتى جى تقول كرامتى لأ ضحكتنى لأ ده انت قلبت عليه الشجون كان فين كرامتك يابن بلدى وانت متهان جوه بلدك وبنضرب جوه السجون كان فين كرامتك وانت راضى بالذل لاشهور ولا سنين لأ قول قرون كان فين كرامتك وانت ساخط بس ساكت وحايش دمعه جامده فى العيون كان فين كرامتك وانت متعلم ودارس وسافرت بمزاجك تغسل للكفره الصحون كان فين كرامتك وانت قابل ,سامع وشايف هز وسط وعربده وتقول فنون كان فين كرامتك وانت ببتبوس العدو وتقول دى علاقات كده وكده لزوم الشئوون كان فين كرامتك والأقصى بتداس برجلين الصهاينه وسايبها خايفه فى حضن نتنياهوا وشاروون كان فين كرامتك وانت ناسى رب خلقك وتقول ده جدى منقرع وخالى آمون كان فين كرامتك وانت هان عليك كل حاجه حتى انت بقيت على نفسك تهون ازاى بتطلب من الغرب تعظم سيادتك وانت جوه لامواخذه بقيت تمأمأ من غير قرون لأ يابن بلدى فوق وراجع حساباتك بسرعه اغسل السلم بعزة من فوق بمايه أ وصابون عايز تكون عزيز وراسك فوق مش بالكلام ولابالهتاف ولا بالقوه شرفك راح تصون الكرامه ياصابحبى مش بتتجزأ الكرامه حته واحده اما تكن او لاتكون