تفقدالدكتور أحمد شرين فوزى محافظ المنوفية - عفوا السابق- مساء أول أمس الجمعة اعمال الإنشاءات فى بعض المشروعات فى شبين الكوم والمتمثلة فى مشروعات الإنفاق والكباري وتوسعة الطرق. رافق المحافظ السابق فى جولته التفقدية أفراد من حاشيته ومسؤولين ممن غضب عليهم المحافظ الحالى د هشام عبد الباسط .. معقول هذا الكلام؟! مش معقول ليه الخبر صحيح مائة فى المائة نعم شرين فوزى بشحمه ولحمه مش شبحه أو عفريته... لكن السؤال ايه علاقة شرين فوزى بالمنوفية تانى؟! الراجل رحل عن المحافظة من 3 أشهر وخلفه هشام عبد الباسط عموما زيارة شرين فى نص الليل لشبين الكوم مش بريئة فيه حاجة المفروض ان شرين فوزي اهل المنوفية كسروا وراه قلة قناوى ونفسيا المسؤول لما يمشى من مكان صعب عليه يروحه تانى هو ايه الموضوع يابيه احنا هنا فى شبين مش فا همين حاجة ..افهمك..فيه ازمة جامدة بين اللواء عادل لبيب وزير التنمية المحلية والمهندس ابراهيم محلب رئيس الوزراء على ارضية التقارير الرقابية التى تلقاها الرئيس السيسى والتى كشفت عن تدنى مستوى اداء الحكومة بشكل قد يؤثر على شعبية النظام وطبعا كان عادل لبيب فى صدارة الوزراء الذين طالتهم هذه التقارير الرقابية بصفته الوزير المسؤول مباشرة عن المحافظين والاجهزة المحلية وحيث ان الفساد فى المحليات وصل للرقبة وغطى الراس فى مناطق كثيرة فاللواء لبيب موقفه صعب ووضولا يحسد عليه والظاهر والله اعلم ان شرين فوزى من بعد ما مشى من النوفية بيدور على شغل ويوم ورا يوم بيكلم عادل لبيب يمكن يلاقى الفرج على يديه ولا ننسى ان الوزير عادل لبيب كان عايز يجدد للمحافظ السابق شرين فوزى لكن محلب اصر على وجود دم جديد فى المنوفيه وراهن على هشام عبد الباسط وبصراحة عبد الباسط شغال لكن على مايبدو فان قلة وضعف الامكانيات خاصة الاعتمادات المالية المخصصة للمحافظة نحو 180 مليون جنيه سنويا تقف عقبة دون ان يتحول الجهد غير المسبوق ل عبد الباسط الى واقع ملموس مع التاكيد على انجازات تمت على يد عبد الباسط رغم ضعف الامكاتيات والمطلوب زيادة ميزانية المنوفية الي 600 مليون جنيه على الاقل فى العام المالى المقبل والذى يبدأ أول يوليو القادم عموما وحسب رأى الشخصى ما يحدث فى المنوفية هو صراع وحسابات مصالح لاطراف مختلفة بما فيها عناصر لجماعة الخوان الارهابية والضحية المواطن المنوفى المغلوب على امره .. اتقواالله حفظ الله الوطن
