وجه الإعلامي توفيق عكاشة مالك قناة "الفراعين" تحذيرا لمتابعي برنامجه اليومي على القناة قائلا لهم: "اللي بيحبوني ويقعدوا يسمعوني يقولو ورايا.. البلد داخلة على مصيبة سودا".. وظل يكررها بأسماء مختلفة. وأضاف "الجماعة اللي قاعدين يشدو في الشيشة ومش عاجبهم كلامي وشاغلين نفسهم بالماشة والحجر.. والفحم اللي على حجر الشيشة.. ابقو خلي الشيشة تنفعكم". وتابع "اللي بيشرب كوباية الشاي وبيمزج منها وبيشد نفس السيجارة ركز معايا.. أنا شايفك ياعم السيد ركز.. إحنا داخلين على سواد.. الدنيا طين الطين". واستطرد قائلا "على فكرة في احتمال إن الإخوان يرجعوا.. بالوضع اللي انتو شايفينو ده في احتمال إن الإخوان يرجعو".