طالب الناشط السياسي أحمد ماهر مؤسس حركة شباب «6 أبريل»، جماعة الإخوان المسلمين بتقبل الإرادة الشعبية، مؤكدا أن الرئيس «المعزول» الدكتور محمد مرسي لن يعود إلي الحكم مرة أخري. و قال ماهر من خلال تغريدات له على موقع التدوينات القصيرة «تويتر»: "الإخوان اللي بيصطادوا في المياه العكرة، اقبلوا بالإرادة الشعبية لان مرسى لن يعود للحكم، وتخوفاتنا من تكرار أخطاء الفترة الانتقالية لا تعنى تأييدنا للإخوان، والإخوان اللي بيستغلوا الموقف و بيستغلوا التخوفات اللي عند بعض الثوار و عايزين مرسى يرجع، مرسى مش هايرجع خلاص، رجوعه مستحيل". و اضاف: "الإخوان بغبائهم وعنادهم هما اللي وصلوا نفسهم لكده، حتى لو فيه تخوفات عندنا فبرضه إحنا ضد رجوع مرسى، والثورة وأهدافها هما اللي هاينتصروا".