وجه الكاتب الصحفي تامر أبو عرب عدة انتقادات للحوار الأول للمرشح الرئاسي عبد الفتاح السيسي، والمذاع على القنوات الفضائية مساء أمس الاثنين، مؤكدا أن الحوار يثير العديد من المخاوف فى حالة تولى السيسي لمقاليد الحكم فى مصر. وأوضح أبو عرب فى تدوينة له عبر موقع التواصل الاجتماعي "فيس بوك" أن الحوار أثبت العديد منم المخاوف وعلى رأسها أن "السيسي زيه زي أي واحد جاي من الجيش فاكر نفسه قائد كتيبة والشعب كله عساكر مهما اشتغلنا وقعد يغني الشعب حبيبي وشرياني ، والمرشح اللي يقول لمحاوره مش هسمح لك تقول العسكر تاني لما يبقي رئيس هيضربه بالنار". وتابع: "الإعلام اللي يقول لمرشح "مدني" سيادتك طول الحوار مش هنستني منه يكون رقيب علي أدائه ومعارض له إذا قصر، والسيسي شايف التظاهر فوضي وهو جاي أصلا بالتظاهر وهو اللي دعا الناس للتظاهر لتأييده يعني من الآخر طلع سلم وزقه وقعه". واختتم أبو عرب تدوينته قائلاً : "السيسي قال انه مش هيسمح لحد يتجاوز ضده، وأنه مش هيبقي ليه إخوان في عهده (هيبعتهم إعارة تقريبا)، وإن محدش ليه جميل عليه ورفض يدي أي إشارة بالعفو عن سجناء الثورة، من الآخر .. السيسي بذرة ديكتاتور وكل من يسقيها سيدفع الثمن".