* الأخوان والشرطة والجيش أيد واحدة ضد المصريين .. حقيقة تحتاج إلي التأمل بهدوء وبدون انفعال .. الجيش والشرطة يريدون التستر علي كل الماضي وإخفاء حقائق كثيرة وطيها مع الزمان والإخوان يريدون أن يحيوا مشروع حلم قديم جدا .. أتحد الاثنان علي تصفية الشعب نهائيا إما بالقتل أو بعمل غسيل عقلي لكل الجهلاء والعودة بنا مرة أخري للقرن الثامن عشر .. من سيكسب الشعب أم زبانية الجهل والفساد .. سؤال محير جدا ولكن أعتقد أن الشعب سيكسب ولو بعد حين .. * بالراحة علية أنا لسه بنت مش متعودة .. كلمه دائما تقولها العروسة يوم زفافها لعريسها .. بيقولها الشعب المصري الآن للإخوان قبل الدخلة في يناير . * ثوار مصر برافوا يا ولاد ضحيتم علشان الأخوان والسلفيين يمسكوا الحكم اللي هما فشلوا في الوصول إلية سنين كتير قوي .. روحوا بقي ماما عملت الأكل ومستنياكم . * أعتقد لو المسيحيين كانوا عارفين نهاية اللعبة كانوا وقفوا في مصطفي محمود من الأول . * هو الأخ أيمن نور والصباحي والبرادعي وباقي الشلة حد ضايقهم لا سمح الله محدش بيشوفهم زي زمان إلا في المصائب و التليفزيون بيصور ولا خلاص حصل أتفاق ودي علي تسليم السلطة للمرشد العام. * عمرو موسي راجل عنيد قوي .. فاكرنا مش فاهمين مين اللي بيوسع له السكة وقعد الباقيين في البيت . برافوا يا أخوان . * بيقولوا المشير طنطاوي قرر يربي ذقنه .. ويلبس جلابية .. محدش عارف ليه يا جماعة .. * كل الفضائيات المصرية جتها السكتة القلبية بعد الجولة الأولي في الانتخابات لا حد بيستقبل شباب ثورة ولا حتي شباب فيس بوك ولا حتي عيال مدارس .. وبعض المذيعين بدأو يدرسوا فقه السنة وأحاديث البخاري .. الدور اللي جاي علي الفنانين اللي بعضهم لبس الجلابية ومسك السبحة وقرر أنه يشتغل ديني فقط .. أهو الأخوان عملوا شركة أنتاج هيص يا عم . * الفنانين اليومين دول عاملين زي الكتكوت المبلول .. الكل خايف وعمال يزعق .. متقدرش. * المخرج خالد يوسف عمل شركة أنتاج جديدة وقرر أن يكون أول أنتاج له (أرض النفاق) وهي مستوحاة من كتاب السيرة الهلالية لأبن علاء الدين السحري .. حد فاهم حاجة .. مش مهم .. أعتقد أنه هو فاهم . * دبي أعلنت أنها مستعدة تستقبل كل المصريين (كتاب ومخرجين وممثلين ) حد مسافر معايا .. * حبيب العادلي بيضحك من قلبه علي اللي بيحصل في مصر .. وبيغني للمصريين ( بكرة تشوف يا ناكر خيري زمني من زمن غيري ) ولو يا عادلي .. الموت بيد الأخوان أرحم .. علي الأقل حيموتونا بسرعة مش بعد تعذيب * تفتكروا مين أحسن (عصام العريان ولا أحمد عز) أهو الأتنين سياسات