كشفت الفنانة إيمان العاصي، عن تفاصيل عديدة بخصوص خطيبها الذي انفصلت عنه وزوجها ووالد ابنتها ريتاج بعد انفصال بينهما بعد زواج دام شهرين، وتجربتها في مسلسل جعفر العمدة وشخصية دلال بالعمل، وبدايتها في التمثيل ودخولها المجال الفني، ورسائل التهديد التي تلقتها. نستعرض لكم أبرز ما قالته إيمان العاصي ببرنامج "معكم منى الشاذلي": - بدايتي في التمثيل كان بسبب اني كنت مكتئبة وسايبة خطيبي وكانت صحبتي موديل بتصور فقولت هتصور أنا كمان عشان أغيظه واتصورت لقيت صحبتي بتقولي المصور عايز ينزل صورتك غلاف مجلة قولتها ماشي فكلمني المخرج دكتور خالد بهجت في دور بنت رغدة فمضيت العقد . - إتجوزت بعد مسلسل حضرة المتهم أبي وقررت أقعد في البيت عشان مظلمش شغلي أو زوجي لكن متوفقتش وحصل الانفصال بعد شهرين جواز من والد ريتاج. - المخرجين كانوا حاصريني في دور البنت الكيوت الحلوة اللي بتطلع حبيبة البطل وتعيط عليه، عشان كدا كنت بختفي كتير. - كان نفسي أشتغل مع أستاذ محمد سامي جدا واللي بيشتغل معاه طريقه بيتحول للأحسن. - أخويا خاف مني بسبب دور دلال في جعفر العمدة. - دوري في دلال مهم جدا ومحور المسلسل كله عشان كدا الفضل لأستاذ محمد سامي أنه قدر يطلع من إيمان الدور ده. - اتعرض عليا فلوس عشان أكشف نهاية المسلسل ويعرفوا مين وراء اختفاء سيف. - جالي رسايل تهديد بسبب دور دلال في جعفر العمدة لما الناس عرفت علاقتي ببلال شامة وهددوني لو مرجعتش ابن جعفر هيجوا يخطفوا بنتي. - مشهد النهاية أول مشهد صورته وخطة قتل سيف مستحيلة لإني لو قتلته مكنتش أقدر أخرج من البيت. - نهاية مسلسل جعفر العمدة لم تعدل. - صورت كل مشاهد الشر الأول لأني كنت شايلة هم تقيل بسبب المشهد وكل ما أصور مشهد أقول لأستاذ محمد سامي أرجوك نعيد المشهد ده . - أدوار الأربع زوجات في المسلسل حلوين جدا. - كان معروض عليا دورين غير دور دلال فتح الله، لكن اعتذرت عن الشخصيتين لحد ما مضيت شخصية دلال.
