مازالت أجواء الحزن تخيم على فناني لبنان ، بعد رحيل الموسيقار ملحم بركات ، والذي فارقنا منذ يومين في 28 أكتوبر، بعد صراع مع المرض. وبعثت المطربة ماجدة الرومي ، برسالة إلى ملحم، تنعيه فيها، عبر صفحتها الرسمية على موقع "فيسبوك"، قالت فيها "من ماجدة الرومي الى ملحم بركات .. مبارح، من عَزا إمي للعَزا فيك ومن دير القرقفي كفرشيما لكنيسة مار بطرس وبولس كفرشيما.. قطعت المسافة بضيعتنا الصغيرة وأنا قلبي عم يعصرو الأسى وانا عم بسمع صوتك طالع من كل شارع وحي، وصوتك نفسو نفسو يا ملحم يلي فرّحني العمر كلّو مبارح نفسو نفسو ما ترك بعينييّ دمعة وحدة إبْكِيها". وتابعت "وهيي نفسها نفسها شوارع كفرشيما يا ملحم يلي تمشّينا عليها بضيعتنا صغار، وزهّرتلنا صغار، وضحكتلنا صغار، وهديتنا كل ربيع وكل أمل هيي نفسها نفسها، مبارح شفتها خريف حزين مستعد يرمي كل وراقو ويبكي معنا ويكتب معنا ع صفحة تشرين الاول 2016 :(كلّو رايح وجه الله بس وحدو اللي باقي)". تؤكد ماجدة أنها رأت أمس الدنيا حزينة على ملحم، مثل أصدقاءه وأحباءه، وأنها –الدنيا- ستشتاق له مثلهم، وستحمل رسالة لكل جيل مُقبل بأنه من أعظم الأصوات التي مرت على الشرق، مضيفة "إنك صوت اذا رَق، بيبكّي الحجر، واذا جن بتنحِنيلو العاصفة واذا تجلّى بتِخْضَر فينا جَنّات وأنك جملة لحنية متفوّقة عريقة رح تبقى درس بالأصالة لكل عاشق موسيقي اليوم وكل يوم ولتنتهي الأيام". واختتمت ماجدة رسالتها "أبو مجد يا حبيب اللبنانيين وكل العرب، يا ابن كفرشيما البار مهما بعّدتنا الأيام رح نرجع نلتقي هيدا إيماننا بالله، وحتى نلتقي لنغني للابد أمجاد الرب، بسألك بمحبّة طالعة من نص قلبي تِقبَل منّي بهاليوم الحزين كتير، تقديري العظيم لفنك الأصيل لصوتك العالمي ولكل يلي كنتو بهالحياة".
