أطلق طلاب بكليه التجارة في جامعة القاهرة، دعوة على فيسبوك، يطالبون فيها بإقامة "مهرجان للبوس" في ساحة كلية التجارة وذلك يوم 31 ديسمبر المقبل. واثارت الدعوة الكثير من الجدل على مواقع التوصل الاجتماعي. وقال القائمون على الدعوة "سنقوم بما نراه صائبًا بغض النظر عن المجتمع"، وقاموا بدعوة كل أثنين بينهما ارتباط أو خطوبة لتقبيل بعضهم في هذا اليوم تحت شعار 'إنهي 2015 ببوسة لأغلى حد عندك'". تباينت ردود طلاب الجامعة والمعلقون على الموضع، وقال طالبة بسخرية "عقبال الحضن"، وردت أخرى "ميصحش كده". وانتشر على تويتر هاشتاج "جامعة القاهرة"، ومن خلال تصفح ما ورد من تعليقات عليه ظهر مدى التبابين بين مؤيد ومعارض. وحل الهاشتاج ثالثا في قائمة أشهر الهاشتاجات على موقع التغريدات القصيرة. وقال احد الداعيين لتلك الدعوات "قبل ما تكتب بوست شبهك وتظهر بيئتك الزبالة افهم الكلام وبعدين اتكلم .. واللي هبتكلم بأسلوب غير لائق هيطلع برا مهرجان البوسة بجامعة القاهرة ب"ساحة كلية التجارة" يوم الخميس 31 ديسمبر". واضاف قائلا :" دلوقتى هنعمل حاجة إحنا شايفنها صح اننا ندعى كل اتنين مرتبطين أو مخطوبين عشان يعبروا عن حبهم لبعض سواء من خلال هدية أو أقل حاجة ممكن تتعمل للإنسان اللى بنحبه وهى البوسة على خده، اللى جى معانا يعمل جوينج للايفنت غير كده ملوش دعوة بينا، ومحدش هيقدر يمنعنا، أحنا هنرفع شعار "أنهى 2015 ببوسة لأغلى حد عندك" حتى لو من بعيد هننهى السنة ببوسة لبعض وتعبير عن الحب لأقرب وأعز الناس علينا واللى مش اجبه يخبط دماغه فى الحيط". وأختتم "هنستناكوا يوم 31 ديسمبر الساعة 3 العصر بساحة كلية التجارة بالجامعة وسيبك من التفكير الرجعى وأصحابه". واستنكر Hossam Ghaly "قيود المجتمع المتخلف !! التمسك بالدين بقي تخلف ! اشطا جدن هاتلي اختك او خطيبتك ابوسها عشان افك قيود المجتمع المتخلف". وعلق Ohebk Raby "حسبنا الله ونعم الوكيل زمن نفوس الناس البعيده عن ربنا بقت ضعيفه والدينا مبقاش قريب منهم، سترك يارب بس بردو في ناس كتيير محترمه بترفض الكلام ده". وقال Mahmoud Abokamar "عاجبتني جدا الفكره وخصوصا الشرح اللي مكتوب، وجهه نظر رائعه بصراحه، بس وحياه اللي خلفوك يا شيخ وانت جاي هات اختك، ف ايدك، الشباب عامله حسابها انك تظبطها، سفهاء، عمر ما كان التحضر البعد عن الدين، احنا شعب وصل بالسفاهه والمرض العقلي والنفوس الجعانه والشهوه الحيوانيه، لبُعد ابعد بكتير من ان ربنا يعمل فينا اكتر من كده، حقيقه وجودك ف مصر وسط معظم المصريين هو تكفير ذنوب ". وتابع Youssef Ahmed Youssef "يعني هما المخطوبين او اللي بيحبوا بعض مستنيين سعادتك تعمل ايفينت في الحرم الجامعي عشان يعبروا عن حبهم قدام كل الناس وتتصور بقي وتغطية صحفية! من غير دم خفيف وشتيمة بس الملاحظة الوحيدة في الموضوع ان الفراغ قاتلكم وكلمة حرية واكلة دماغكم، مش هقولك الدين والاخلاق لان اللي عمل الايفنت ده طبعا ميعرفش حاجة اكيد عن كل ده بس هي كلمة واحدة، ملعون ابو الحرية والدماغ الفارغة للدرجة ديه كتكم القرف"
