انتقد الدكتور عصام حجي، المستشار العلمي السابق لرئاسة الجمهورية، خبر اصطحاب الرئيس لمجموعة من الفنانين أثناء زيارته لألمانيا، والمجر خلال الفترة من 2 إلى 6 يونيو الجاري. وكتب حجي، على صفحته الرسمية على موقع التواصل الاجتماعي، فيسبوك، اليوم الاثنين، "مر العالم ما يحترمنا طالما احنا ما بنحترمش بعض و عمر العالم ما ح يحبنا و احنا بنكره بعض. ليه كده !". وتابع: "أكيد الخبر ده غلط ! اكيد الوفد ح يقابل الطلبة و الباحثين المصريين الي كانوا مستنيين الزيارة ديه علشان يطرحوا مشروعاتهم الي ممكن تحل مشاكل كتير ! اكيد الوفد المصري ح يكون فيه متخصصين في مجالات مختلفة من العلوم و نحاول نستفيد من عقولنا الي في ألمانيا ! اكيد ح يكون فيهم خبراء ح يكلموا شبابنا الي شايفين المر هناك علشان يفتحوا بيوت كتير في مصر و يفهموا ممكن نساعدهم الزاي ! برحمتك يا رب اصطفيت شهداء الثورة لجنتك، ذهبو من اجل حلم جميل و تركتنا في كابوس مزمن لا نفيق منه الا على نغمات طبول الحرب في قاع مستنقع الفشل".