البصارة من الأكلات المصرية الشهيرة واللذيذة جدا الوقت وقت التحضير : 8 دقائق وقت الطهي : 40 دقيقة الوقت الكلى : 48 دقيقة عدد الاشخاص: 7 المقادير * 3 x حزمة بقدونس طازج * 3 x حزمة كزبرة خضراء * 2 x معلقة كبيرة زيت عباد شمس * 2 x معلقة كبيرة بودرة ثوم * 1 ½ x لتر ماء * 1 x معلقة كبيرة كزبرة جافة مطحونة * 1 x معلقة صغيرة فلفل اسود مطحون * 1 x معلقة صغيرة ملح * 1 x معلقة كبيرة كمون * 1 x عدد بصلة (كبيرة) * ½ x كيلو فول (مدشوش) الخطوات 1. نغسل الفول المدشوش كويس جدا و نضيفه في حلة فيها لتر و نصف ماء و نضيف عليهم البقدونس و الكزبرة 2. نترك الحلة على النار لحد ما الفول يستوي و ده بنعرفه لما نلاقي حباية الفول أصبحت طريّة و سهلة الهرس 3. نشيل الحلة من على النار و نضرب الخليط في الخلاط 4. هنرّجع الحلة تاني على النار و نضيف عليها الكزبرة الجافة و الكمون و الفلفل و الملح و الثوم و نقلبهم جيدا 5. على جنب بنقطع بصلة كبيرة حلقات و نحطها في طاسة فيها معلقتين زيت كبار و نحمر البصل على النار 6. بعد ما البصل يتحمر هنصفّي زيت التحمير في حلة البصارة مع ربع كمية البصل المحمر 7. بالمغرفة هنوزع البصارة على سلاطين صغيرة و بعدين نوزّع باقي كمية البصل المحمر على وش كل سلطانية يمكنك متابعة أهم وأحدث المقالات على الفيس بوك عبر صفحة مصراوى - هو وهي