حلقات البصل اللذيذة و المشهورة جدا من المطبخ الأمريكي .. الوقت * وقت التحضير : 15 دقيقة * وقت الطهي : 3 دقائق * الوقت الكلى : 18 دقيقة عدد الاشخاص يمكنك تغيير عدد الاشخاص المقادير * 1 ¼ x كوب (140 جرام) دقيق * 1 x لتر زيت ذرة (للتحمير) * 1 x عدد بصلة (متقطعة شرايح) * 1 x كوب (240 مللى) لبن كامل الدسم (او حسب الحاجة) * 1 x معلقة صغيرة باكينج بودر * 1 x معلقة صغيرة ملح * 1 x عدد بيضة * ¾ x كوب (140 جرام) بقسماط مطحون الخطوات 1. نسخن الزيت في طاسة غويطة 2. هنفرغ شرايح البصل علشان تبقى على شكل حلقات 3. في وعاء هنخلط الدقيق و الباكين بودر و الملح 4. و هنقلب حلقات البصل في الخليط ده لحد ما تتغطى بيه كويس و بعدين نشيلهم و نخليهم جانبا 5. في نفس الوعاء اللي فيه الخليط هنكسر عليه بيضة و نقلبهم كويس بشوكة و بعدين نغمس حلقات البصل تاني فيه لحد ما تتغطى كويس بالخليط و بعدها نشيلهم من الخليط ونحطهم على مصفاة الزيت الكبيرة تحتيها ورق فويل لحد ما ينشفوا 6. هنفرش البقسماط كله في طبق عريض و هنضيف حلقات البصل.. حلقة واحدة في كل مرة..و بمعلقة نبدأ نرش حلقة البصل بالبقسماط لحد ما تتغطى تماما و نكرر نفس العملية مع كل الحلقات 7. نضيف حلقات البصل في طاسة التحمير من دقيقتين ل3 لحد ما يبقى لونها دهبي نشيلها و نضيفها على ورق زبدة عشان يمتص الزيت..كده تمام..بالهنا و الشفا