عجينة البيتزا مع الصلصة الفريش و اضافات مختلفه الوقت وقت التحضير : 1 ساعة وقت الطهي : 45 دقيقة الوقت الكلى : 1 ساعة 45 دقيقة عدد الاشخاص: 4 المقادير * 4 x كوب (140 جرام) دقيق * 3 x عدد فص ثوم * 2 x معلقة كبيرة سكر * 2 x معلقة صغيرة خميرة * 2 x كيس جبنة موزريلا * 2 x كوب (140 جرام) ماء (دافى) * 2 x عدد فلفل أخضر حلو * 1 x كيلو طماطم (طرية) * 1 x كيلو جمبرى (مقشر) * 1 x معلقة صغيرة ملح * 1 x معلقة كبيرة زيت ذرة * 1 x رشة ملح * 1 x معلقة كبيرة زبدة (بيضاء) * 1 x معلقة كبيرة عسل نحل * 1 x حزمة زعتر * 1 x رشة فلفل اسود مطحون
الخطوات 1. هندفى الفرن لمدة 10 دقايق و نقفله. 2. هنجيب طبق غويط و نحط فيه الخميرة و العسل و نص كوب ماء دافى و نقلبهم و نغطيهم و نسبهم فى الفرن الدافى من 20 دقيقة لساعة. 3. هنجيب طبق و نحط فيه الدقيق و السكر و نص معلقة ملح و الخميرة و نعجنهم و نزود ميا دافيه شوية شوية لحد ماتبقي العجينه ماسكه كويس. ممكن نحطها فى العجانه تلت ساعة او نعجنها بايدنا اكتر وقت ممكن. و بعدين نغطيها و نسبها فى الفرن الدافى نصف ساعة. 4. هنقطع الفلفل الأخضر بالسكينه الحامية شرايح رفيعه جدا . 5. هنجيب الطماطم و نقشرها و نقطعها صغير . و هنشيل ورق الزعتر من الأعواد. 6. بعدين نجيب طاسه و نحط فيها معلقة الزيت و رشة ملح و رشة فلفل أسود و الطماطم و معلقة كبيرة من الزعتر. و نسبها على نار هاديه تلت ساعة. 7. هنطلع العجينه من الفرن و نسخنه على درجة حرارة عالية. و نتأكد ان الشبكة فى النص أو أقرب للجزء السفلى من الفرن. 8. هنطلع العجينه من الطبق و نفردها فى الصاج.لحد ماتبقى متساوية. الفرد لو صعب و بتشد معاك و ترجع صغيرة تانى ده دليل انها معجونه كويس. افردها ماتستسلمش. 9. هنفرم فصوص الثوم ناعم و نحط الزبده فى الطاسة و معاها الثوم و رشة صغيرا ملح. اول مالزبده تسيح هنطفى عليها و نفردها على العجينه. 10. هنحط الجمبري على العجينة و بعدين نرش الصلصة عليها. 11. هنضيف الفلفل و بعدين الجبن الموتزاريلا المبشورة و نرش فوق معلقة كبيرة زعتر 12. هنحطها فى الفرن نص ساعة و نتأكد ان وشها أحمر, وبكده تبقى جاهزة للتقديم.
ملاحظات ممكن نزود إضافات زى طماطم ناشفة, فلفل ألوان. بصل. زيتون أخضر. مشروم فريش. تكون متقطعه رفيع و تضاف مع اضافة الفلفل. و ممكن نبدل الزعتر الفريش بناشف أو نعناع أخضر و زيت زيتون. ممكن نخليها سبايسي بشطه حمرا على الصلصة او هوت صوص.
