نظم 3 اكبر شركات لتنظيم الحفلات بالمنصوره " انفينتا وبروكسى وفوده ايفنت" حفله لتكريم الامهات فى احتفاليه بعيد الأم بقاعه الحفلات بمرشال الجزيره . وقال محمد الطويل مدير شركه انفينتا لتنظيم الحفلات :" فكرنا ان أكبر 3 شركات لتنظيم الحفلات فى المنصوره ( انفينتا وبروكسى وفوده ايفنت ) اننا نكون متواجدين كل فتره فى المناسبات عامه بشكل مجانى للناس ومسابقات زى النهارده عيد الأم وقريب يوم اليتيم وشم النسيم .. ومن فتره اشتغلنا برضه للتبرع لمستشفى الاورام وده غير ان معانا رعاه كتير جدا "
وأضاف الطويل :" بالنسبه لحدث عيد الأم النهارده احنا عملنا مسابقه دخلها 30 متسابقه فكسب منهم 3 ودول اللى أخدوا أعلى تصويت وجالهم هدايا قيمه واختارت لجنه التحكيم أم لها قصه جميله ودى الرابعه معانا وخدنا أعلى 7 عملنا ليهم دروع والباقى خدوا شهادات تقدير عشان يفتكرونا وان شاء الله هتكون الحفله سنويه "
ويقول محمود جمال مدير شركه بروكسى :" الحفله النهارده لعيد الأم عشان نختار الأم المثاليه لمدينه المنصوره وجايين نفرح الناس ونبسطهم ونكرم الأمهات اللى ليهم أهم دور فى حياه كل واحد مننا "