أنا لسّه ما اتخطبتش تفتكروا هروح النار؟ ليه البيت متلبّش؟ وكأن دي وصمة عار! حد يفهم ماما إن جوازي ده قسمة حد يقول لبابا إن الصبر ده نعمة لما لميس اتخطبت من قلبي فرحت لها دارت عني وخبت زي ما أكون كون هحسدها لو كت هي مكاني وداريت خالص عنها مش كانت هتعاني علشان ده هيجرحها بس أنا ربنا عارف واللهِ ما زعلانة قلبي ماهواش خايف وكمان مش قلقانة وإزاي بس راح أقلق من حاجة بإيد ربي قبل الدنيا ما تبدأ كان مكتوب فيها رزقي كل دقيقة في عمري هملاها على آخرها بحاجة تفرح قلبي وتدي لنفسي قيمتها ويا ماما إنتي وبابا وصاحبة عمري لميس مش هفضل في كآبة علشان عايزة عريس نشرت بمجلة كلمتنا شهر 7 / 2010