كشف الفنان محمد أنور، عن كواليس مشاركته في فيلم «جوازة توكسيك» بطولة الفنانة ليلي علوي، المعروض حاليًا في السينما. محمد أنور: ناقشنا في الفيلم تسبب اختلاف التربية في مشاكل بين المتزوجين وقال محمد أنور في تصريحات ل«المصري اليوم»:«اخترت أن أشارك في الفيلم عشان الشخصية مختلفة عليا، ويُعتبر دي أول بطولة ليا أنا ميهمنيش هو بطولة مطلقة أو لا، المهم الفيلم يبقى حلو ومتكسفش أني عملته بعد كده». وأضاف: «حبيت أعمل دعاية للفيلم، ولما نزلت التريللر كتبت عليه ربنا يرزقنا برزق ولاد رزق فعجبت الناس، وكانت فكرة مصطفى بسيط أني أجيب أشباه اللعيبة العالميين علشان أعمل زي تريللر ولاد رزق، وتاني يوم عملت الفكرة». وتابع محمد أنور :«ناقشنا في الفيلم فكرة إن لما واحد يرتبط بواحدة مش مشكلة لو مختلفين ماديًا أو ثقافيًا أو اجتماعيًا، المشكلة لو مختلفين في التربية لأنه سبب كتير من مشاكل المتزوجين». صناع فيلم «جوازة توكسيك» فيلم «جوازة توكسيك» من بطولة ليلي علوي، بيومي فؤاد، هيدي كرم، محمد أنور، ملك قورة وتامر هجرس ومن إخراج محمد كريم وتأليف لؤي السيد . اقرأ أيضا: مُتابع يحرج محمد أنور عن فيلمه الجديد «جوازة توكسيك».. والفنان يعده بأعلى إيرادات