شالوا ألدو ...جابو شاهين ولا فاهمين ولا عارفين مش فاهمين ايه اللى بيحصل ولا عارفين غير أكل الطين....شالوا ألدو..جابوا شاهين بلد اتحكمت من عسكرها بعد ما دم الناس قشرها خدنا المر وخدوا سكرها بعد ما دقنا الغلب سنين.....شالو ألدو...جابوا شاهين كله يا بلدى طمعان فيكى كله كأنه بماله شاريكى وهوا فى وقت الجد ناسيكى خلق فى جهل غويط عايمين....شالو ألدو ...جابوا شاهين كان فى الدعوه وملهوش دعوه كان شيخ جامع كان أسيس كان بيصوم اتنين وخميس كان عايش يرجم ابليس..... فجأه لقيتهم فردى وقايمه وعزيمتهم جواهم قايمه وكلام جامد وجمل عايمه تحت شعار تعزيز الدين....شالوا ألدو جابوا شاهين قضى حياته فى حزبه الوطنى عايش عمره يذل فى وطنى غير اسم الحزب الوطنى.... خللاه حزب شباب الثوره دارا باسم الحزب العوره خبا ماضيه ومسح ببشاوره عمايل حزبه فى غمضة عين.....شالو ألدو...جابوا شاهين الاستاذ شغلانته معارض وفى الاصل لافكارهم عارض قسم راسه لارض معارض... جزء يقرب بيه للشعب.....وجزء يقرب بيه للحاكم الاستاذ حريف فى اللعب....كل مناه يتقاله يا حاكم وعمره ما مل فى سعيه سنين....شالو ألدو ...جابوا شاهين.