طلب الإعلامى عمرو أديب في برنامجه "القاهرة اليوم" من رئيس الجمهورية محمد مرسي أن يأتي بالمهندس خيرت الشاطر رئيساً للوزراء إذا كان هذا هو ما سيحقق النهضة لمصر. وقال أديب: "هاتوا لنا خيرت الشاطر رئيس وزراء، علشان نشوف مشروع النهضة بجد وإحنا كلنا وراه، فأنا أريد التجربة الإسلامية توضع على أرض الواقع، وأنا عايز خيرت الشاطر رئيس وزراء مصر هاتوا لنا الزغلول الكبير، أنا عايز أتفرج على التجربة إللى بيحكولنا عنها، عايزين ال30 وزير من مكتب الإرشاد وعايزين نعيش النهضة بقى". وأضاف: "أنا عايز اتفرج بقى على عم النهضة ونشوف حيعملوا إيه، خيرت دا الزغلول الكبير للنهضة كلها، بشنطته بفلوسه وعلاقاته واستثماراته، أنا عايز اتفرج على البلد دي وانت بتعملها قطعة من تركيا او باريس أو أفغانستان".