طالب عمرو أديب مذيع برنامج "هنا القاهرة" على قناة "اليوم"، بتولي خيرت الشاطر رئاسة وزراء مصر، حتى يمكنه تحقيق مشروع النهضة. وقال أديب: "بصراحة بقى.. هاتولنا خيرت الشاطر رئيس وزراء.. أنا عايز خيرت الشاطر رئيسًا لوزراء مصر.. وعايز انضم للصفحة اللي بتطالب بيه رئيسًا للوزراء وأمضي فيها". وأضاف ساخرًا: "أنا عايز أتفرج على عم النهضة كلها.. أنا عايزه يشتغل بقة.. هشام قنديل دة مالوش علاقة بالموضوع.. معندوش مشروع نهضة.. أنا عايز الزغلول الكبير خيرت الشاطر.. عايزه ينعنعش البلد بفلوسه واستثماراته". وأردف أديب: "أنا عايزك تاخد فرصتك للآخر.. عايز أشوفك وأنت بتحول البلد دي لقطعة من أوروبا أو تركيا أو أفغانستان.. أنا عايز أشوف النهضة الاقتصادية.. هاتولنا المعلم الكبير خيرت الشاطر ملك الاقتصاد ." وأكمل: "أنا بقولها بأعلى صوتي.. أنا عايز خيرت الشاطر.. ومش بس هو.. كل ال30 وزيرًا يبقوا من مكتب الإرشاد.. عايز اتفرج على التجربة وهى شغالة.. وكلنا وراك يا خيرت ." مشاهدة الفيديو