حمزاوي وباندتيا والطرف الثالث.. أبطال أولى جلسات مجلس الشعب

اليوم يشهد أولى جلسات مجلس الشعب المنتخب من قبل أطياف الشعب المختلفة، وبالتالي فإنها ستكون مختلفة كلية عما كان يجري في الماضي، لتصبح مشاهدة الجلسة الأولى على الهواء مباشرة حدثا ينتظره المصريون بشغف.
لذلك طرح الفيسبوكيون سؤالا عما يتوقعه المصريون أن يتم مناقشته في أولى جلسات مجلس الشعب؟، لتنهال التعليقات الساخرة.
اضحك مع الفيسبوكيين وتوقعاتهم المختلفة عن مناقشات أولى جلسات المجلس:
- أولي جلسات مجلس الشعب هتناقش أكيد ما وراء قناع بانديتا
- نزول التحرير حرام ولا حلال
- ازاي يحلقوا لحمزاوي
- الطرف التالت هيلاقوه ازاى ؟
- هيروشوا ميه فى البرلمان الاول علشان يستفتحوا
- رئيس المجلس يتحدث: يا جماعة عيب الصور بتاعتكوا فى المجلس دى العيال ولاد الذين نزلوها ع الفيس بوك واتفضحنا . موافقون يا ريس
- سعد الكتاتني: الموافق علي حلق شعر عمرو حمزاوي ومصادرة حظاظته فليتفضل برفع يده
- أغلبية النواب هيبقوا عاملين زي الطلبة الجداد في الجامعة حالة "توهان" شعور بالذهول وهيتصوروا على المدرجات
- أتوقع أن محمود بكر هيذيع أولى جلسات المجلس
- مش هتسمعوا سؤال إذا كان القانون ده دستوري ولا غير دستوري؟ أنتم هتسمعوا هو القانون ده حرام ولا حلال ؟
- أيام فتحي سرور: اللي موافق على هذا القانون يتفضل برفع يده.. موافقة.. البرلمان ده : في حد عنده اعتراض على شرع الله؟ موافقة?
- الحمد لله بقى عندنا مجلس شيوخ زي امريكا
- لما يبقى رئيس مجلس الشعب عالم نبات يا عالم هنعرف نبات احنا فيها ولا لأ
- السادة النواب الجدد من اولها كده من حبنا حبناه و صار متاعنا متاعه و من كرهنا كرهناه و يحرم علينا اجتماعه ... بس
- تليفون حمزاوي يرن ويكون ابنه إللي بيكلمه فيرد يقوله "هاي بيبي" المجلس كله في صوت واحد "ايه يا عم الألماني"
- أعضاء برلمان يناير حلفوا في شهر يناير
- اول دورة برلمانية كاملة هتكون كلها اجتماعات مكثفه للتوفيق بين مواعيد الجلسات وبين مواقيت الصلاة
- مؤامرة بانديتا
- هيتناقشوا إذا كانت الفتاة المسحولة من الاخوان ولا من السلفيين ولا مندسة