احتفت مواقع التواصل الاجتماعي بانتهاء ازمة انقطاع الكهرباء بعد اعلان وزارة الكهرباء الانتهاء من مشكلة قطع التيار والاستغناء عن تخفيف الأحمال، مؤكدين انها خطوة ايجابية في طريق علاج مزيد من المشكلات مثل نقص السولار والمياه . فعلي موقع "تويتر" تفاعل النشطاء مع الخبر باسلوب كوميدي فقال عمرو حطيبة:" ايه التهريج بتاع وزارة الكهرباء ده الكلام ده مينفعش الكهرباء بقالها 3 ايام مبتقطعش ده استهتار وتسيب كل ما اتعود علي حاجه تبوظوها" محمد عبدالجواد:"اقول ايه يامني الكهربا خلاص مش هتقطع تاني، اتحجج بأيه تاني مشروع النهضة بدا يشتغل كويس يا مني يا شماتة الناس فيا يا مني!!" اسماء سعيد:"غريبة الكهرباء مبقتش تقطع.. استغراب الفلول والمتمردين .. الجاي احلي يا مصر وبكرة كل مشكلات البلد دي هتتحل .. كلنا معاك يامرسي" سوسن محمدي:"كل يوم مشكلة جديدة بتتحل بس لو يصبروا علي الرئيس ويساعدوه الدنيا هتبقي زي الفل، معارضة عايزة كرباج بجد" عبدالرحمن امام:"الكهرباء خلاص مش هتقطع دوروا علي حاجة تانية امسكوا فيها يا اعلاميين المخلوع!" فارس بلا جواد:" وعد مرسي فأوفي .. حل نهائي لمشكلة الخبز و السولار و الكهرباء و المياه .. إلي الأمام يا رئيسنا" سعد فرحات:"من اعلام الفلول الي الشعب المصري : للاسف الكهرباء مش هتقطع تاني وللاسف الشديد احنا زعلانيين النهضة شكلها اشتغلت بالقوي" عبد الرحمن على نصير:" الى الامام يابلدى ان شاء الله سوف نكون فى تقدم دائما معك ايها الرئيس المنتخب" محمد عمر:" مبروك يا رجالة مفيش حجة على موضوع قطع الكهرباء ..... الحتوتة خلصت خلاص الكهرباء " تعلن الانتهاء من مشكلة قطع التيار وتستغني عن تخفيف الأحمال"