أطلقت صفحة ثورة الإنترنت دعوة لمقاطعة شركات المحمول يوم الخامس والعشرين من يونيو الجاري اعتراضًا على سياسة الجشع من قبل شركات المحمول. وأعلنت الحركة عبر صفحتها على موقع التواصل الاجتماعي الفيس بوك عن بدء المقاطعة متسائلةً: "لحد امتي هنسكت على جشع واستغلال شركات الإنترنت والموبايل؟".
وقالت الصفحة: "فكرنا نعمل حاجة ذى الدول المتقدمة تخسر الشركات محترفة النصب والسرقة دي فاخترنا إننا نقفل موبايلاتنا خمس ساعات بس في يوم واحد كشيء من الاعتراض على سوء الخدمة وارتفاع الأسعار وبرده هنخسرهم فلوس.
وتابعت: "احسبها كدا لو قدرنا نحشد عدد كبير من الناس في خمس ساعات, لو كل شخص بيتكلم ب 1ج فقط شوف هنقدر نخسرهم فلوس قد إيه وصوتنا هيوصل كل حتة وبطريقة سلمية من غير ما حد يجي يقول علينا بنخرب البلد".
كما دعت الصفحة إلى نشر هاشتاج "مليونية مقاطعة شركات الاتصالات " وأشارت الصفحة إلى حجم الأرباح التي تحققها شركات المحمول من الإعلانات فقط.
وقالت: "شفت عدد الممثلين فى إعلانات شركات المحمول؟ اكتر من 10 من كبار الممثلين, تخيل أجر كل واحد منهم كام! والشركة بتقولك إنها بتخسر وتلغي التطبيقات المجانية "واتس اب , سكايب و غيره, الشركات مصممه تشتغلكم وأنتم مصدقينها و ماشييين وراها !".
وأنهت الصفحة قائلة "فوق بقي و كفايه يوم 25 / 6 كلنا هنقفل موبايلاتنا 5 ساعات " أول خطوه " و هنصورها كلها والخطوط مش فيها وهنكتب ورقة فيها المحافظة ونبعتها ع الصفحة 5 ساعات مش كتير, بس هيخسروهم كتير".