قامت صفحة ثورة الانترنت بتوجيه دعوة شعبية إلي مقاطعة شركات المحمول يوم الخامس والعشرون القادم وأعلنت الحركة عبر صفحتها على موقع التواصل الاجتماعي الفيس بوك عن بدء المقاطعة اعترضا على سياسة شركات المحمول وتساءلت " لحد أمتي هنسكت علي جشع و استغلال شركات الإنترنت و الموبايل؟" كما قالت الصفحة "فكرنا نعمل حاجة زى الدول المتقدمة تخسر الشركات محترفة النصب والسرقة دي فاخترنا إننا نقفل موبايلاتنا خمس ساعات بس في يوم واحد كشىء من الاعتراض علي سوء الخدمة وارتفاع الأسعار وبرده هنخسرهم فلوس , احسبها كدا لو قدرنا نحشد عدد كبير من الناس في خمس ساعات, لو كل شخص بيتكلم ب 1ج فقط شوف هنقدر نخسرهم فلوس قد إيه وصوتنا هيوصل كل حتة وبطريقة سلمية من غير ما حد يجي يقول علينا بنخرب البلد" كما دعت الصفحة إلي نشر الهاشتاج "مليونية مقاطعة شركات الاتصالات ". وأضافت الصفحة "شفت عدد الممثلين فى إعلانات شركات المحمول؟ اكتر من 10 من كبار الممثلين, تخيل أجر كل واحد منهم كام! والشركة بتقولك إنها بتخسر وتلغي التطبيقات المجانية "واتس اب , سكايب و غيره, الشركات مصممه تشتغلكم وأنتم مصدقينها و ماشييين وراها !" وأنهت الصفحة قائلة "فوق بقي و كفايه يوم 25 / 6 كلنا هنقفل موبايلاتنا 5 ساعات " أول خطوه " و هنصورها كلها والخطوط مش فيها وهنكتب ورقة فيها المحافظة ونبعتها ع الصفحة 5 ساعات مش كتير, بس هيخسروهم كتير".