_واضح إننا غالبية هذا الشعب يحتاج ل"التربية" من جديد.. فواقعة التحرش أمس بمدرسة داخل مدرسة في طلخابالدقهلية "مزعجة" ورخمة.. المدرسة وعمرها 23 سنة.. ومن ضمن اللي اتعينوا في مسابقة ال 30 ألف معلم.. العيال عملوا عليها دايرة واحدهم وعمره 16 سنة احضتنها من الخلف بالقوة وضربها باقي "العيال" ومسكوها من مناطق حساسة.. طب والتعليم سكتت. _ أولا.. العيال حسب رواية المدرسة كانوا 15.. والتعليم فصلت 3.. والنيابة حبستهم 4 أيام والشرطة مسكت متهم رابع من شوية.. والمدرسة عرضوا عليها واحد من العيال دي قالت: "لا.. حرام.. معملش حاجة".. ومشوه.. والتعليم كمان نقلت رئيس لجنة الامتحانات بطلخا.. والجريمة دي اتعملت جوه الفصل وأثناء الامتحان.. والمدرسة دي للي ميعرفش "متغربة".. يعني كانت بتيجي يوميا من (دمنهور- بحيرة ) إلى (طلخا- الدقهلية ).. وعلى أد ما تشكر شجاعتها.. أد ما نقول: "مفيش لا تربية.. ولا تعليم" أي والله. _ وفي الوقت اللي اليابان أعلنت عن اختراع جديد وهو "طوق" لقراءة أفكار الكلاب والقطط وتوصيل متطلباتهم لأصحابهم.. ليه "بينبح" ..ليه ب"ينونو".. وده بيسهل العلاقة بين "الإنسان والكلب " ويخليهم يفهم بعض.. والطوق ده متوصل ب"برنامج" على الموبايل.. وعلى رأي عبدالحليم حافظ: "شوف بقينا فين يا قلبي وهي راحت فين".. راحت فين اللي هي اليابان طبعا.. بس الله يرحمه مكنش يقصد. _ طب وليه قلت كده.. أقولك أنا.. لإننا .. مش عارفين إيه سر الصراع والفتنة بتاعت: "أنا_شاركت_ في _ثورة _يناير " ..وبين: "25 يناير عيد الشرطة وآدي وردة لكل ضابط وفرد شرطة" وقوم ولع لك شمعة نورها مستنيك.. يا جدعان هي البلد ناقصة فتن أصلا.. طب هنلاقيها من دول.. ولا من دول.. ولا من أنصار مبارك اللي عايزين ينزلوا ضد "السيسي" في 25 يناير.. زي ما بقولك كده . _ طب خد عندك.. الداخلية دخلت على "الخط" من شوية.. وطلعت بيان من 54 كلمة.. ومعاه تصميم جديد ل "علم مصر".. عليها شعار الداخلية وعليه كلمة "شرطة الشعب ".. وتحيا مصر.. وال حرف "الحاء" معلوم برضه بعلم مصر.. الداخلية قالت: "الشرطة المصرية وطنية عصرية وأنها على عهدها في أداء رسالة الأمن في خدمة الشعب والوطن" .. والملصق ده هيتعلق في الأقسام والمديريات وعلى عربيات الشرطة ..وهكذا وهكذا._ وبعيدا عن هاشتاج "أوقفوا ناجي شحاتة" قلت لحضراتكم.. لن أتحدث عن سيادته إلا مع أخبار جديدة عنه.. والحقيقة إنه ربنا يديه الصحة.. كان "هبد" رامي السيد بتاع 6 أبريل مؤبد غيابي لأنه كان شايل شمروخ وتظاهر دون إذن.. المهم إن دفاع رامي النهاردة رد المستشار "شحاتة" بسبب حواره مع الوطن لأنه قال على 6 أبريل إنهم "6 إبليس" .. وبكده يبقى أعلن "هواه السياسي".. وممكن مينظرش القضية.. وبكده ده الرد التالت ل "شحاتة" من أول حوار "الوطن" ولسه. _ وسيرة ناجي شحاتة ما تنسينا نقول رحم الله الفنان عبدالعزيز مكيوي الذي شيع جثمانه من شوية بمسجد السيدة نفيسة ..و"ميكوي" فنان كبير كان بطل فيلم القاهرة 30 وأعادته للأضواء صور وهو ملقى على رصيف بمنطقة المنشية في الإسكندرية وحالته أقرب للمتسولين.. ومن سنة فاتت أو أكتر دخل إلى دار مسنين في مصر الجديدة ومات بها وتكفلت القوات المسلحة بعلاجه في الفترة الأخيرة. _ وعشان كله ميبقاش ضرب ..ضرب ..ضرب قول :"نصيب جايبنا منينونصيب واخدنا لفينمش عارفين انه محطةحنرسي عليها عليها ياعينولا عارفينمين حنفارق ولا حنقابل مينولا عارفينفاضل لينا دقايق ولا سنينسفر.. سفر.. الدنيا سفرفراق ولقاء .. ولقاء وفراقوالقلب يا ناس مشتاق للسفر"